________________
॥३१॥
सूरपहा ॥३४२।। णाणामणिणियरपहापहकरपरिभिजमाणतिमिरभरे । जत्थ न सूरो चंदो व किंचि परभागमुवलभइ ।'३४३।। तलवाहिगंगसिंधूपवाहरेहतपरिसरुद्देसो । ठाणदाणविलोइज्जमाणमाणासहीसम हो ।।३४४।। विजाहरेहि कीलापरेहि निव्वुइमणेहि सव्वत्तो । परिभुञ्जमाणदेसो दीसंतच्छेरयसहस्सो ॥३४५ । जो मणिभासुरकूडो उच्चसिलो । सहइ अंबरतलाओ । विजजओ व्व पडिओ घणनिवहोऽण्णोण्णघट्टणओ ॥३४६।। अचंतुच्चासु च मेहलासु सोहंति जत्थ ताराओ । पेरंतचरंतीओ फालिहमणकिंकिणीउ व्व ॥३४७।। जत्थ य विजाहरकामिणीण मुहमुंडणे पसत्ताण । निसि सिहरगयाण ससी मणिदप्पणलीलमुव्वहइ ।।३४८।। तह जत्थ महासहिगंधरुद्धवीरियफणिदवंदेसु । चंदणवणेसु निब्भयमणाई कीलंति मिहुणाई ॥३४९।। णियमाहप्पोणामियसमत्थसामंतमत्थयमणीण । बहलकरजालसलिलेण निच्चसिञ्चतकमकमलो ॥३५०॥ जो तत्थ दाहिणाए सेढीइ सुदिगामनगराए । सिवमंदिरे पुरे अत्थि पत्थिवो जलणसिहिनामो ॥३५१।। जोण्हव्व सिसिरकिरणस्स तस्स सोहग्गसंपयनिहाणं । विज सिहा नाम पिया अम्हे तस्से सूया दावि ॥३५२।। अम्हाण नट्टमत्तो जेट्ठो भाया अहण्णया जणगो। अग्गिसिहिमित्तसहिओ अच्छइ गोट्ठीइ जा ताव ॥३५३।। पेच्छइ गयणे अट्ठावयम्मि जिणबिंबवंदणनिमित्तं । देवासुरसंदाहं गच्छंतमतुच्छविच्छडु ॥३५४॥ तं दठूण पवड्डियसड्डो राया समं चिय पवत्तो। मित्तेहिं अम्हेहि य कमेण पत्तो य तत्थ नगे ॥३५५।। गंधुद्ध रेहि बंधुरबंधेहिं मिलंतभसलमालेहिं । मंदारपारिजायाइतियसतरुकूसमनियरेहिं ॥३५६॥ परिपूइय भयवंते कप्पूरागुरुसुगंधधूवं च । उग्गाहिऊण थुणिऊण निग्गओ चेइयहराओ ॥३५७॥ निग्गच्छंतेण पलोइयं च पञ्चक्खपसमपुंजसमं ।
॥३१॥
