________________
ससिमण्डलामलमुही अहीणनिस्सेसचंगंगी ॥४॥ सा अन्नया रइहरे गंगापुलिणुजले विसालम्मि । सिञ्जातले पसत्ता पासइ निसिमझभागम्मि ॥५।। च उदंतमुम्मयं तं संतं मयसलिलमविरलपवाहं । रययगिरिगारकायं गरुयं गयणादवत
रंतं ॥६।। नियवयणे पविसंतं सिंधुरमुद्ध रकरं सुरम्मतणू । तक्खणमेव विउद्धा तं सुमिणं माणसे ठविउं ॥७॥ ॥३६॥ सेणियसमीवमुवगम्म कोइलालावकोमलगिराहिं । तं पडिबोहिय साहइ जहा मए एरिसेा सुमिणो ॥९॥ उवलद्धो तत्थ
फलं केरिसमेसो सभावबुद्धीए। आलोचिऊण भासइ मन्ने ते पिययम ! होही ॥९॥ कुलमंडलिमणी कुलकप्पपायवो कुलणिहाणमणहं च । पुत्तो पवित्तचरियत्तणेण संपत्तवरकित्ती ॥१०॥ इय जंपियाऽवसाणे विसज्जिया पडिगया नियं सेजं । कुसुमिणदंसणभीया विमुक्कनिद्दा रयणिसेसं ॥११॥ धम्मियकहाहि संखुजलाहिं चित्ताहिं नेउमारद्धा। पत्ते पभायसमए सुमिणवियाणगजणे अट्ठ ॥१२॥ सद्दावेइ नरवई सुहासणेसुं कओवयारेसु । सब्वेवि सुहनिसन्ने पुच्छइ जह एयसुविणस्स ।।१३।। धारिणीदेवीदिट्ठस्स किं फलं तेवि सुमिणसत्थाइं । निययाइं परोप्परमूहिऊण उप्फुल्लमुहकमला ॥१४॥ भासंति सामि ! माया जिणाण चक्कीण करिवराईए। पासेइ चउदस इमे सुमिणे कयमंगलकलावे ।।१५।। गय-वसह-सीह-अभिसेय-दाम-ससि-दिणयरं झयं कुंभ । पउमसर-सागर-विमाणभवण-रयणुच्चय सिंहिं च ॥१६।। जा पुण केसवजणणी सा सत्त इमेसिमन्नतरगे उ । बलजणणी पुण चउरो एगं मंडलियमायाओ ।।१७।। तग्गब्भला
भकाले ता एयाए सुओ वरो होही। समयम्मि रजसामी राया होही मुणी अहवा ।।१८।। लद्धपोढजीवणवित्ति तो KA ते गया सगेहेसु । सा पुण धारिणो देवी सुहेण तं गब्भमुबहइ ॥१९॥ मासेसु तिसु गएK अकालजलवाहडोहलो
