________________
वहंतो ॥६५॥ वंदित्ता विन्नत्तो सूरी किं जिणवराण धम्मस्स । फलमत्थि ? सग्ग मोक्खो मुणिवइणा भासिए एवं ॥६६॥ सामाइयस्स किं फलमाह मुणी जं पगिट्टपयपत्तं । तं सग्गनिव्वुइफलं रज्जाइफलं जमव्वतं ॥६७।। संजायपच्चओ एवमेयमिह नत्थि संसओ भणइ । किंभयवं ! परियाणह मुणिवइणा सोवओगेणं ॥६८॥ आमन्ति वोत्तुमुत्तो कोसंबीवइयरो तओ सब्वो। जह दिन्नो आहारो विसूइगाए जह मरणं ।।६९।। उप्फुल्लवयणकमलो हरिसंसुपवाहउल्लनयणिल्लो । धरणियलमिलियमउली पुणो पुणो पणमइ मुणिदं ॥७०॥ सजलजलवाहमाला-निग्घोसमणोहरेण सद्देण । पारद्धो जिणधम्मो कहेउ निम्महियमिच्छत्तो ।।७१।। दुग्गयनराण व निही जच्चंधाण व निसाकरालोओ। वाहिविहुराण | परमोसहं व भीयाणं सरणंव ॥७२।। जलहिजलंतोबुड्डाण झत्ति निच्छिड्डुपोयलाभो व्व । पुन्नेहि अणन्नसमेहिं कहवि जइ घडइ जिणधम्मो ॥७३।। ता एयम्मुवलद्ध' सुद्ध सद्ध मणे धरतेण । मोक्खेक्कफलादिक्खा दक्खेण गरेण कायव्वा ॥७४॥ इय जंपियावसाणे भालयलनिवेसियंजली राया। भणइ ममऽत्थि न सत्ती सा जीए दिक्खओ होउं ॥७५।। तुहपयपंकयभमरायमाणसीसो भवामि निच्चमहं । ताजं एयावत्थाजोग्गं तं देह आएसं ।।७६॥ तो गिण्ह सावयवए जिणचेइयसाहुसावयजणाण। अइसच्छातुच्छमणो वच्छल्लपरो सया भवसु ॥७७।। कुणसु य सव्वपयत्तेण खीरसायरजलुजलं कित्ति । परमत्थबंधुणो भगवओ तुमं समणसंघस्स ॥७८॥ तह गाणागरपुरपदृणेसु सव्वत्थ वट्टमाणाणं । धम्मारंभा धम्मियजणाण पसरंति तह कजं ॥७९॥ उग्घडिउब्भडसावगधम्मो मुणिवइपए पणमिऊणं ।। नियपासायमुवगओ परं मुणेतो कयत्थत्तं ॥४०॥ तप्पभिई जिणबिम्बे उदारपूयापुरस्सरविहीए। वंदेइ पज्जुवासइ गुरुणा विणएण
॥३१५॥
॥३१५॥
