________________
॥२६३॥
आसि चरणाइगुणमणिरोहणगिरिणो विसिट्रसंघयणा । निजिणियमोहमल्ला महल्लमाहप्पदुद्धरिसा ॥१॥ संगमसीहा णामेण सूरिणो भूरिसिस्सपरिवारा । तेसि सिस्सो एगो मणागमुस्सिखल सहावो ।।२।। कुणमाणो वि हु दुक्करतवोविहाणाइ निययबुद्धीए । आणासारं चरणं न पवजइ कुग्गहवसेण ।।३।। चोइंति सूरिणो तं दुस्सिक्ख ! किमेवमफलमप्पाणं । उस्सुत्तकट्ठचेट्टाए दुटुसंतावमुवणेसि ? ॥४॥ आणाए चिय चरणं तब्भंगे जाण किं न भग्गंति । आणं च अइक्कतो कस्साएसा कुणइ सेसं ॥५॥ एवं सासिजंतो गुरूसु वेरं समुव्वहइ घोरं । अह अन्नया कयाइ तेणेक्केणं समं गुरुणो ॥६॥ एकम्मि गिरिवरम्मि सिद्धिसिलावंदणत्थमारूढा । सुचिरं च तं नमंसिय सणियं ओयरिउमारद्धा ॥७।। अह तेण दुव्विणीएण चिंतिय नूण एस पत्थावो । तो दुव्वयणणिहीणं हणामि आयरियमेयमहं ॥८॥ जइ इत्थंवि पत्थावे उवेहिओ एस निस्सहाओ वि । ता जा जीवं निब्भच्छिही ममं दुद्रुसिक्खाहिं ॥९॥ इय चिंतिऊण पिट्टिएण महई सिला परिमुक्का । सूरीणं हणणट्ठा दिट्ठा य कहिंपि सा तेहिं ॥१०॥ तो ओसरिउं सिग्धं पयंपियं रे महादुरायार! । गुरुपच्चणीयअच्चंतपावमिय ववसिओ कीस? ॥११।। न मुणसि लोगट्टिइं पिहुउवयारिसुं जं करेसि वहबुद्धि जस्सुवयारे थावं समग्गतइलोकदाणं पि? ॥१२॥ मन्नंती उवयारं तणेवि सीसाओ केवि अवणीए। उटुंति वहायऽवरे तुमंव सुचिरोवचरिया वि ।।१३।। अहवा कुपत्तसंगहवसेण एसेव णूण होइ मई। ण कयाइ महाविसविसहरेण सह निव्वडइ मेत्ती ।।१४॥ इय एवंविहगुरुपावकम्मनिम्मूलदलियसुकयस्स । सव्वत्थ धम्मपालणदूराजोग्गस्स तुह पाव ।।१५।। होही एतो इत्थीसयासओ णूण लिंगचागा वि । एवं सविडं सूरी जहागयपडिनियत्तोत्ति ।।१६।। तह काउं जह एयस्स
EXXXXXXXXXXXXXXXXXXXXX**XX)
||२६३॥
