________________
श्रीउपदे- शपदे
१ चोल्लक
॥१८॥
मीए उयरे रेहति तिण्णि रेहाओ । मन्ने विहिविहियाओ नियतणुनिज्जियतिहयणाए ॥१५१॥ उटुंतपीणथणमंडलस्स वच्छत्थलस्स को साहं । लहइ इमीए जं समरसारजुयज्यफलगसमं ॥१५२॥ कप्पतरुणो लयाउव्व दोवि रेहंतिमीए बाहूओ। करपल्लवाउ कररुहकुसुमाउ सणिद्धरूवाओ ॥१५३।। सोहइ वयणमिमीए कसिणु ज्जलकलियंकुंतलकलावं । ससिमंडलं व उरि धडंतअइकसिणघणपडलं ॥१५४॥ दीहरनयणनईए वम्महवाहो निरंतरं व्हाइ । कहमन्नहा तडीए दीसइ भमुहा धण लयव्व ! ॥१५५॥ गोरे मुहम्मि एईइ भाइ अहरो निसग्गसोणपहो । रत्तोप्पलपत्तचउव्व धवलकमले कयनिवासो ।।१५६॥ सवणा सहति एईइ नयणसरिपबहपडिखलणकुसला । भमुहाधण णो अंते वम्महवाहस्स पासव्व ॥१५७।। अव्वा जं जं दीसइ अवयवरूवं इमाइ देहम्मि । तं तं मणणिव्वुइकारि होइ सुरतरुलयाए व्व ॥१५८।। दिट्ठो तीए अब्भुट्टिओ य दिण्णं च आसणं तत्तो । पुट्ठा सा तेण तुमं का सुंदरी एत्थ परिवससि? ॥१५९।। सज्झसरुज्झतगलाइ तीइ परिजंपियं महाभाग ! । गरुओ मह वृत्तंतो न तरामि सयं परिकहेउं ॥१६०।। ता कहसु तुमं नियमेव वइयरं को तुम इह कहं वा ? । गंतुं पयट्टओ होसि सोउमेवं तओ कुमरो ॥१६१।। तीसे कलकोइलकोमलाइ अइनिउणभणणकुसलाए । वाणीइ रंजियमणो जहट्ठियं कहिउमाढत्तो ॥१६२॥ पंचाल सामिणो बंभराईणो सुयणु ! बंभदत्तो हं । पुत्तो कज्जवसाओ समागओ रणमज्झम्मि ।।१६३।। तव्वयणाणंतरमेव हरिससलिलेण पूरियच्छिपुडा । सव्वंगुग्गयरोमंचकंचुया सोमवयणा य ॥१६४॥ पडिया कमकलेसुं तओ य सा तस्स रोविउं लग्गा । कारुण्णमहण्णवसण्णिभेण तेणुन्नयं काउं ।।१६५।। वयणसरोरुहमाभासिया य मा रुयसु
।१८।।
