________________
इरवृत्तंता । उम्माहिया सुदूरं कह पेच्छामित्तिं चितंती ॥२८६॥ विनविओ नियजणओ सुभगसिरोमणिसमस्स एयस्स । मं देहि अन्नहा जेण नत्थि मे जीवियव्वमिमं ॥२८७।। सव्वालंकारविभूसिया कया अच्छरव्व पञ्चक्खा । गहिया य अणेगाओ धणकोडीओ तओ तेण ॥२८८।। पत्तो वइरसमीवे कहिओ धम्मो सवित्थरो गुरुणा । भणइ जणोऽमरसोहग्गमग्गलं न उण रूवं पि ॥२८९।। जइ नाम रूवलच्छी. हुंता एयरस, ता न तियलोए। असुरो सुरो व विजाहरो व इमिणा समो होजा ॥२९०।। भयवं नाउण सभाए माणसं तक्खणा विउव्वेइ। पउमं सहस्सपत्तं , कंचणमयमुज्जलुजोयं ।।२९१॥ तस्सोवरि निविट्ठो विज्जुपुंजोव्व संतियं रूवं। निम्मवइ मईवं सो निम्मललायण्णसलिलनिहिं ।।२९२।। आउट्टो भणइ जणो रूवं साभावियं इमस्स इमं । इत्थिजणपत्थणिज्जो मा होमि न दसियं पढमं ॥२९३॥ भणियं भूवइणावि य अहो! इमस्सेरिसो अइसउत्ति । ताहे अणगारगुणे इमेरिसे पन्नवइ तस्स ॥२९४॥ तवगुणओ अणगारा जंबुद्दीवाइए असंखेजे । भरिए कुणंति वेउव्वियाण रूवाण इय सत्ती ॥२९५।। जं होइ ता किमयं अच्चब्भुयमेत्थ तुम्ह पडिहाइ। एत्थंतरम्मि धणनामसेट्टिणा भासिओ सामी ॥२९६।। तं निज्जियजगरूवो एसा वि य महिलियाण सव्वाण । मम धूया धुणइ धुवं सोहग्गमडप्फरमणग्धं ॥२९७॥ ता कुण पाणिग्गहणं 'जमूचियकमवत्तिणो महामइणो । होति तओ सो विसए विसोवमे कहिउमाढत्तो ।।२९८॥ जहा ।।
विसया विसंव विसमा विसया बिडिसामिसं व मरणकरा । विसया सेविजेता छलबहुला तह मसाणं व ॥२९९।। . १ ख. समुच्चिय ।
२४९॥
1॥२४९॥
