________________
।।२३७।
लहई ठाणं ॥१०७|| भत्ततिकामाहारो विसूइगाए निसाइ तीएवि । नियपरियणावहीरियकिरिओ अहे सो मओ संतो ॥१०८।। रुहज्झाणपरवसो सत्तमपुढवीए अप्पइट्ठाणे । रइओ संजाओ वाससहस्सं कयवओवि ।।१०।। बलियत्त-मबलियत्तं न कारणं सुद्धसमणभावस्स । जं पुंडरीयसाहू बलिओवि सुरालयं पत्तो ।।११०।। चम्मदिसेसदेहो कंडरिओ कडयनिविडतववसओ। रुद्दज्झाणपहाणो निहणगओ नारओ जाओ ॥१११॥ तज्झाणनिग्गहो इह पहाणहेऊ जइत्तणस्स भवे । खीणतणुणो वि मुणिणो तव्विरहो दुग्पइकरो ति ॥११२।।
बेसमणो तं निसुणिय तुट्ठमणो मुणइ जाणिओ मज्झ। अज्झवसाओ केरिसमिमस्स नाणं पहाणमिणं ।।११३।। वंदित्ता भगवतं गओ तओ तत्थ जंभगा देवो। एगो वेसमणसमो पुंडरियझयणमुच्चरियं ॥११४।। नायाधम्मकहासु सिटुं पंचसयगंधपरिमाणं । अवधारेइ लहेइ य सुद्ध सम्मत्तमह एसो ।।११५।। पंचसु सएसु वरिसाणमइगएस जिणाओ वोराओ। किंचूणेसु स जंभगदेवो चविऊण सुरलोगा ॥११६।। तुंबवणसन्निवेसे अवंतिविसयम्मि धणगिरी नाम । इब्भसुओ आसि नियंगचंगिमाविजियसुररूवो ॥११७।। सो सुयजिणिद धम्मो बालत्ताओ वि सावगो जाओ। भवभीरू पव्वइडं वंछइ निच्छिन्नविसयतिसे ।।११८।। संपत्तजोयणभरस्स तस्स कण्णं वरंति जं पियरो। तं तं सो पडिसेहइ अहं जह पव्वइउ कामो ॥११९।। धणपालो नाम पुरे इब्भो तत्थित्थि तस्सुया भणइ । देहमहं धणगिरिणो जेणाहं तं वसे नेमि ॥१२०।। गुरुणो य सीहगिरिणो नियथिरयाविजियमेरुणो पासे । जाईसरस्स भाया तीए समिओ गहियदिक्खो ॥१२१।। भणिया अणेण अलियं न किंचि भद्दे ! जहा अहं समणो। होहामि खिप्पमेवं जं रोयइ
R॥२३७॥
Xxxx***
