________________
खणरत्ताणं कुराण चेव अवसाणविहियतिमिराण । संझाण व रामाणं वसम्मि को कुसलभुव्वहइ ? ॥१०४॥ तम्हा चयसु बिसायं जं धीरच्चिय तरंति विसमदसं । इयरे गहिरजले इव अतारगा झत्ति वुटुंति ॥१०५।। लद्धाभिप्पाओ कुलवइस्स सो तत्थ अच्छिउं लग्गो। पत्तो वासारत्तो जलवाहाउलियगयणयलो ॥१०६।। नवनीलियवत्थेहि व सम्वत्थ समुत्थिया तिणेहि मही । विरहिजणुम्माहेहिं व फुरियं तह इदगोवेहि ॥१०७॥ सुमुणीण माणसाणि व
धवलाउ वियंभिया बलायाओ । सयणाण संगमेण व नियट्टदाहो जणो जाओ ।।१०८॥ उजोइयभुवणयला पत्ता बच्चिय निहयदूरतिमिरभरा । धम्मियजणधम्मकहध्व झत्ति बिज्जोइया विज्जू ।।१०९।। अइगहिरघणारवसवणखुहियव-1
ल्लहजणाणुरागाओ । नियठाणाभिमुहाओ पंथियमालाउ चलियाओ ।।११०।। सो कुलवइणा धणुवेयमाइयाओ कलाउ सयलाओ । अणहिन्जियपुवाओ सम्ममहिज्जाविओ कुमरो ॥१११।। पत्तो य सरयकालो परिपंडुरजलयवलकलियनहो । उप्फुल्लकमलवणलोलहंसकलरावरमणिो ॥११२।। कइयाइ कंदफलजलगवेसगे तावसे अणुसरंतो । डझंतो कुलवइणा कुम्हला तरलिओ संतो ॥११३॥ सो रणपरिसरम्मी आलोइंतो वणाई रम्माइं । अंजणगिरिव्व तुंगं मायंगमहो पलोएइ ॥११४॥ थिरथोरकरं सियदसणकोडिमोडिज्जमाणवणसंडं । निज्झरझरंतमयजलनिम्भरलोलालिपरिकिण्णं ।।११५।। सत्तंगपइट्ठाणं कुंभत्थलजियनभत्थलाभोयं । पलयघणगहिरगलगज्जिएहि परिपूरियदियंतं ।।११६।। सो दटूण कुमारं संमुहाँमतं सरोससिग्धगई। चलिओऽभिमूहं पच्चक्खमेव नजइ जमो भीमा ।।११७॥ तक्केलिकोउगेर्ण तिलतुसमेत्तमपलाथमाणेणं । पक्खित्तमुत्तरीयं काऊणं मंडलागारं ॥११८॥ संमुहमिमस्स तेणावि तक्खणा चेव
।।१५।।
