________________
दे
देवीदवा०
शपदे.
॥२०४॥
कम्मणं तीए ॥६॥ तद्दोसेणं मरिऊण देवलोए सुरो समुप्पन्नो। इयरीवि य पव्वइया तन्निव्वेएण संतत्ता ॥७॥ आलोयणं अकाउं मया समाणी सुरे समुप्पन्ना। अह जन्नदेवजीवो चइऊणं रायगिहनयरे ।।८। धणदत्तसिट्ठिगेहे चिलाइनामाए दासचेडीए तेण दुगुंछादोसेण पुत्तभावं समणुपत्तो ॥९।। विहियं च से जणेणं चिलाइपुत्तोत्तगुत्तमभिहाणं * इयरीवि तो चविउं तस्सेव धणस्स भजाए ॥१०॥ पंचण्हसुयाणुवरि णामेणं सुंसुमा सुया जाया। सो य चिलाती
पुत्तो बालग्गहो कओ तीसे ॥११।। अञ्चतकलहकारित्ति दुब्विणीओत्ति सत्थवाहेण । निच्छूढो गेहाओ परियडमाणो गओ पल्लिं ।।१२।। आराहिओ य बाढं पल्लिवई गाढविणयओ तेण । अह पल्लिवइम्मि मए मिलिऊणं चोरनिवहेण | ।।१३।। जोगात्ति कलिय विहिओ पल्लीनाहो महाबलो सो य । अञ्चतनिग्घिणो हणइ गामपुरनयरसत्थाई ।१४।। एगम्मि य पत्थावे तेणं चोराण एयमुवइटुं । रायगिहम्मि य नयरे सत्थाहो अत्थि धणनामो ।।१५।। तस्स य धूयानामेण सुंसुमा सा य मज्झ तुम्ह धणं । ता एह तत्थ जामो अवहरिउं तं च एमोत्ति ।।१६।। पडिवन्नं चोरेहिं रयणीए तओ गया य रायगिहे ओसोयणि च दाउं झत्ति पविट्ठा गिहे तस्स ।।१७। मुटुं चोरेहिं गिहं गहिया सा सुंसुमावि इयरेण । धणदत्तो सुयसहिओ अन्नत्थं लहुं गिहोओ गओ ॥१८॥ पावियसमीहियत्थो सट्ठाणं पट्ठिओ य पल्लिवई अह उग्गयम्मि सूरे पंचहिवि सुएहि परिकिन्नो ।।१९।। दढदेहबद्धकवओ नरवइ बहुसुहडपरिवुडो सिग्छ । तम्मग्गेणं लग्गा धूयानेहेण धणदत्तो ।।२० । भणिया य रायमुहडा धणेण धूयं मम नियत्तेह । दव्वं तुम्हं दिन्नं इय भणिए धाविया सुहडा।।२१।। इंते य ते पलोइय नट्टा चोरा धणं विमोत्तूण। घेत्तण य तं सुहडा जहागिहं पडिगया सब्वे
|२०४॥
