________________
॥१३॥
एयाए बालाए वरो स होही न उण अन्नो ॥७३॥ तो तम्मि चेव दिवसे पाणिग्गहणं करेइ सो कुमरो। तक्खणमेव विलग्गो परोप्परं निब्भरो नेहो ।।७४।। तुच्छीहूओ जणगाइएसु चिरपरिचिएसुवि जणेसु । पडिबंधो तीए जं भणंति कुसला इ एरिसगं ।।७५।। बालत्तणम्मि पिइमाइभाइसहियायणो पिओ होइ। आरूढजोवणाणं जुवईण | पिओ पिओ एगो ॥७६।। नीया रयणो सा तेण तीए सद्धि सकोउगमणाए। अइलज्जालुत्तणओ सव्वंगमणप्पणंतीए ॥७७।। बीयदिणे वरधणुणा भणिओ गंतव्वमत्थि ते दुरं। कहिओ बंधुमईए सब्भावो निग्गया दोवि ।।७८।। गामंतरम्मि पत्ता अइदूरपहम्मि वरधणू तत्थ । सलिलनिमित्तमइगओ लहुं तओ निग्गओ भणइ ॥७९॥ निसुओ जणप्पवाओ मए जहा दीहराइणा मग्गा । सव्वेवि बंभदत्तस्स गहणहेओ निरुद्धत्ति ।।८।। ता नासिजउ दूरेण मग्गचागं करित्तु गच्छामो । जाया महाडवीए पडिया तिसिओ बहुं कुमरो ॥८१॥ वरधणुणा वडहिट्ठा ठविओ एसो गओ स सलिलट्ठा । जायं दिणावसाणं न लद्धमुदगं परं एसो ॥८२॥ दिट्ठो दीहभडेहि दढं च हम्मंतओ सरोसेहिं ।
पत्तो कुमरासन्ने कहिंवि विरलद्दुमंतरिओ ।।८३।। कयसंकेओ विहिओ तेण कुमारो पलायसु सुदूरं । तत्तो स तिव्व. a वेगो पलायमाणो दुरुत्तारं ।।८।।
कतारं कायरलोयसोयसंपायगं गओ जत्थ । हरिणारिणो वियंभंति भीमरवभरियगिरिकुहरा ॥८५।। रविपाया जत्थ न ओयरंति तरुबहलपल्लवंतरिया । मन्ने नवनवउतदंभसूई कयभयाओ ।।८६॥ मयरायपहयगयकुंभगलियमुत्ताहलाई रेहति । जत्थुण्णयतरुसिहरग्गखलियतारावलीओ य ॥८७।। जत्थ बहुभिल्लभल्लयसल्लियचित्तगझरंतरुहिरेण ।
॥१३॥
