________________
श्रीउपदेशपदे
कर्मजाबु० ज्ञातानि
||१८४।।
XXXXE XECXKXXXKKKAKKKKE XXXX
रायगिह नाम पुरं तत्थासि विपक्खरायमयमलणो। खाइगसम्मट्रिी सेणियराया जयपसिद्धो ।।१।। चउविहबुद्धिपहाणो पुव्वंपि पवंचियामलगुणोहो । अभओ य तस्स पुत्तो मंती जणमज्झभमिरजसा ॥२ । अह उजेणिपुरपहू पजोयनराहिवो समागम्म । सेणियमुवरोहेई बहुदंडपयंडिमाकलिओ ॥३॥ चित्ते भयं वहतो राया अभएण मंतिणा भणिओ। मा संकह भडवाओ निहेडियन्वो मए तस्स ॥४॥ आगच्छंतं सोऊण तमभओ तस्स दंडराईण । जाणतो सेन्ननिवेसभूमिमेईए दीणारे ।।५।। निहणेइ लोहसंघाडएसु तेसं अपावमाणेसु । ता संपत्ता सट्टाणसंठियायावि संजाया ॥६।। जाओ सेणियरण्णो पजोएणं सहाहवो सुमहं । कइवयदिवसे पच्छा अभओ अंतरं वियाणित्ता ॥७॥ तब्बुद्धिभेयणकए लेहं पज्जोयराइणो देइ । जह सव्वे तव दंडा उवयरिया सेणिएणए ।।८।। अचिरावि मिलित्ताणं काहंति समप्पणो तव इमस्स । अह संसओ मणे होज पेच्छं अमुगस्स दंडस्स ।।९।। अमुगपएसं खणिऊण तेण खाणावियं तओ दिट्ठा । दीणारभरियकलसा लहं पणट्टो य सो तत्तो ॥१०॥ पच्छा वि लग्गसेणियनिवेण सेन्नं विलोलियं तस्स । उज्जेणिपुरि पत्ता कहिंति ते राइणो सहवे ॥११॥ सामि! न अम्हे एयस्स कारिणो जाण अभयचरियमिणं । संजायनिच्छओ भणइ अन्नया सो सभाए गओ ॥१२॥ सो कोवि नत्थि मज्झं जो आणोजा ममंतिए अभयं । गणियाए एगाए पडिवन्नं दिजउ परं तु ॥१३॥ संजोगा तो दिण्णा मज्झिमगवयाओ सत्त गणियाओ । थेरा य नरा साहिजकारया संबलं च बहुं ।।१४।। पवि संजयमूले कइयवसभित्तणं गहेऊण । पारद्धा हिंडेउं गामेसु पुरेसु अण्णेसु | ॥१५।। साहू तह सड्ढजणो य जत्थ तहिं एतगा य सुट्ट्यरं। जायाओ विस्सुयाओ पत्ताओ कमेण रायगिहे ।।१६।।
K*XXXXXXXXXXXXXXXXXXXXXXXX
॥१८४
