________________
।। १७१ ।।
।।१७।। ता कुविएणं रन्ना दुवारमवि वारियं वररुइस्स । पच्छा सा गंगाए जंतपओगेण दीणारे || १८ || ठविण लेइ भणइ य थुइतुट्ठा देइ मज्झ गंगत्ति । कालंतरेण रन्ना सोउं सिट्ठ अमवस्स ।। १९ ।। तेणं भणियं जइ मह पुरो इमा देई ता वरं देव ! । वच्चामो य पभाए गंगाए पडिसुयं रन्ना ||२०|| अह मंतिणा वियाले पचइओ नियन समाइट्ठो । गंगाए पच्छन्नो अच्छसु जं वररुई सलिले ।। २१ । । किं पुण् ठवेइ तं गिहिऊण मह भद्द ! उवणमेजासि । गंतूण नरेण तओ आणीया दम्मपाट्टलिया || २२|| गोसम्म गओ नंदों मंतीइ पलाइओ थुणता सो । गंगजलम्मि निबुड्डो थुइअवसाणे य तं जंतं ॥ २३ ॥ करचरणेहिं सुचिरंपि घट्टियं जाव वियरइ न किंपि । अतविलक्खत्तणमणुपत्तो वररुई ताव || २४|| पायडिया सयडालेण राइणी सा य दम्मपोट्टेलिया । हसिओ य राइणा सो कुविओ मंतिस्स उवरि तओ ।। २५ ।। आरद्धो छिद्दाई पलाइउं अन्नया य सयडाला । वीवाहूं काउमणो सिरियसनरिंदजोगाई || २६ ।। विविहाई आउहाई पच्छण्णं कारवेइ एयं च । उवयरियाए कहियं वररुइणो मंतिदासीए ||२७||
पावियछिद्देण तओ तेणं डिंभाणि मोयगे दाउं । सिंगाडयतियचच्चरठाणेसुं पाढियाणि इमं ||२८|| एउ लेउ न वियाणइ जं संगडालु करेसइ । नंदु राउ मारेविणु सिरियउ रजि ठवेस " ||२९|| सुणियं च इमं रण्णा चरेहिं पेहावियं च मंतिगिहँ । दट्ठूण कीरमाणाई आउहाई पभूयाइ ||३०|| सिद्धं रन्नो तेहिं कुविओ राया ठिओ पराहुत्तो । सेवागयस्स चलणेसु निवडमाणस्स मंतिस्स ||३१|| कुवियंति निवं नाउं सयडाला मंदिरम्मि गंतूण । कहइ सिरियस पुत्तय । राया मारेइ सब्वाइ ||३२|| जइ न मरिस्सामि अहं ता रनो पायनिवडियं वच्छ ! मं मारिजासि तुमं ठगिया सिरिएण ता सवणा ||३३|| सयडालेणं भणियं तालउडे भक्खियम्मि मइ पुत्रं । निवपायपडणकाले मारेञ्जसु तं गयासंका ||३४|| सव्वविणासासंकियमणेण पडिसुयमिमं च सिरिएण । तहमेव पायपडियस्स
।। १७१ ।।
