________________
श्रीउपदे
शपदे
।।११६।।
सो वडिओ समाढत्तो । जाओ य अट्ठवरिसो बहुबंधुरबुद्धिरिद्धिला ||४३|| पुच्छइ पत्थाववसा अम्मो ! मे कत्थ परिवसइ ताओ ? भणियं रायगिहपुरे सेणियनामा स नरनाहो ||४४ || ताहे भणिया जणणी अम्मो ! ना एत्थ अस्थि जुत्तं । सुपसत्थसत्थसहिओ पिउगेहं पत्थिओ तत्तो ।। ४५ ।। पत्तो रायगिहबहिं सिबिरनिवेसेण ठाविया जणणी । तत्थप्पणा पुण गओ नगरस्सब्भंतरं अभओ ||४६ || तम्मि समयम्मि राया अच्चन्भूयभूयबुद्धिसंपन्नं । मंति मग्गइ सव्वायरेण तो तस्स लाभकए || ४७|| निययं अंगुलिमुद्दारयणं खित्तं महावडे गहिरे । अञ्चतं सुक्कसि रत्तणेण जलवज्जियतलम्मि ।। ४८ ।। भणिओ य सयललागो तडे निविट्ठो करेण जो गहिही । एयं तस्स जहिच्छिय वित्तिपयाणं करेमि अहं ।।४९।। लग्गो लोओ लाओ विविहोवायप्पओगसंजुत्तो । न य फुरइ उवाओ कावि तारीसा, जेण तग्गणं ।। ५० ।। पत्तो अभयकुमारो तद्देसं पुच्छियं किमेयं ति ? कहिओ जणेण सव्वा वृत्तंता जो कओ रन्ना ॥ ५१ ॥ फुरिओ तक्खणमेयस्स एयडिग्गाहगा उवाओ ति । खित्तो य अलगोमयपिंडो तस्सोवरि सहसा ।। ५२ ।। खुत्तं तं झत्ति तहि जलंतगा तणमओ तओ पूला खित्तो तस्सुण्हाए सुक्को सो गोमओ सव्वा ||५३|| तीरट्ठियकूवंतरसारणिसलिलेण रिओ अगडो । तो तेणं सा गोमयपिंडो उच्छालिओ दूरं ||५४ || पत्तो उवरिपएसे गहिओ अभएण तडनिविद्वेण । आयड्डियं च तत्तो तं खित्तं मुद्दियारयणं ।। ५५ ।। नीओ रायसमीवे तक्कज्जनिउत्तगेहिं पुरिसेहिं । आपुच्छिओय रणा पयपणओ को सि वच्छ ! तुम ? || ५६ ॥ सेा भणइ तुम्ह पुत्तो किह कत्थ व पूच्छिओ निवेएइ । सव्वं विन्नायडनयरसंतियं पुष्ववृत्तंतं ॥ ५७॥ हरिसजलपूरियच्छो उच्छंगेऊण निययवच्छमि । पुलयंकुरपरियरिओ पुणो पुणो
'खड्डग'
द्वारम्,
तत्राभय
कुमारनिद०
।। ११६ ।।
