________________
श्रीजैन कथासंग्रहः
॥३४॥
॥
पडिनिअत्तंतं । मुणिजुअलं सुज्जसिरी, सहसत्ति तओ परुन्ना सा ३० ॥ सुज्जसिवेणं भणिआ, पिए इमं किंत ? भए एसा । बालत्तणाणुभूअं, संभरिअं अज्ज मे नाह ! ॥ ३१ ॥ मम सामिणी इमेसिं, विविहेहिं भक्खभोअणेहिं सया । पडिलाभंती पंचंग-नमणपुव्वं मए दिट्ठा ॥ ३२ ॥ तं सरिअं अज्ज मए, मुणिजुअलं दहु तो परुन्नाहं । तत्तो संभंतेणं, तेण पुणो पुच्छियं एयं ॥ ३३ ॥ का सामिणित्ति, ? तीइ वि, निअचरिअं साहिअं समग्गपि । तो णेण फुडं नाया, सा सुज्जसिरित्ति निअधूआ ॥ ३४ ॥ इय नाउं सुज्जसिवो, चिंतड़ हिययंमि केर मज्झ । जायं अपुन्नवंतस्स, विहिवसा अहव जं भणिअं ॥ ३५ ॥ विहिणो वसेण वसणं, जयंमि तं किंपि माणिणो पडड़ । जं न कहिडं न साहिउं, न चेव पच्छाइउं तरइ ॥ ३६ ॥ ता किं करेमि बहु पावपंकपूरिअतणू अहं पावो । हुं निद्दहेमि पविसिअ, जलंतजलणे तणुं एवं ॥ ३७ ॥ किं वा तिल २ मित्तं, निगत्तं कट्टिऊण कत्तीए । भयवं . हुअवहमहअं, घयमाईहिं च तप्पेमि ॥ ३८ ॥ उअ उच्चयसेलसिहरंमि, चडिओ पाडेमि निअतणुमेअं। किं वा कुट्टावेमी, घणेहिं लोहं व पुरिसेहिं ॥ ३९ ॥ अहवा सुतिक्खकरपत्तएहिं, फामि खइकट्ठे व । किं वा तउतंबाई मुहे खिवे वह्निवन्नाई ॥ ४० ॥ दारुणखारेहिं खारिऊण, अहवा दहेमि देहमिमं । मगराइभीसणे सागरंमि अहवा खिवामि इमं ॥ ४१ ॥ इच्चाइ चिंतिऊणं, निअहिअए ठावियं इमं ते । मुत्तुं जलंतजलणं, को अन्नो डहइ मह पावं ? ॥ ४२ ॥ इयं निच्छिऊण तेणं, भणिआ तत्थ द्विआ जणा एवं
। श्री अथ सुसढचरित्रम् ।
॥३४॥
