________________
श्रीजैन कथासंग्रहः
श्री अथ 23 सुसढचरित्रम् ।
॥१४॥
सुहडवग्गा । हणहणहणत्ति भणिरा कयंतमुत्तिव्व विकराला ॥ ६६ ॥ इत्थंतरंमि गोअम ! पवयणदेवीइ थंभिआ सव्वे । जाया लिप्पमया इव, निचिट्ठा तत्थ ते जोहा ॥६७ ॥ पच्चक्खीहोऊणं, गयणयलठियाइ तीइ देवीए । हरिसभरनिन्भराए पयंपियं एरिसं वयणं ॥ ६८ ॥ जो चालइ कुलसेलं, उदहिं सोसेइ जिणइ चक्कहरं। सीलधराण नराणं, रुडो विनसो पहुप्पिजा॥६९॥ सुच्चिय निम्मलनियकुल-नहयलसारयससिव्व सुप्पुरिसो। सुच्चिय तिलोअपुजो जो निम्मलसीलगुणकलिओ ॥ ७० ॥ परमपवित्तं सुप्पुरिसा-सेवियं सयलपावनिम्महणं । सव्वुत्तमसुक्खनिहिं, सीलं चिय जयइ जिअलोए॥१॥ तो भो तामसभावं, मुत्तुं सेवेह सीलसन्नाहं । इय भणिउं देवीए, मुक्का तदुवरि कुसुमवुट्ठी॥७२॥ अह मुच्छिओ कुमारो, खणंतरे लद्धचेअणो संतो । उप्पन्नजाइसरणो, ओहीनाणं समणुपत्तो॥ ७३ ॥ इत्थंतरम्मि रना चारनरा पेसिआ निरिक्खत्थं । मणिमुत्तियपुनाए नयरीए तह य कुमरस्स ॥ ७४ ॥ ते जच्चतुरंगेसुं, चढि गिरिकंदराओ निग्गंतुं । जा पत्ता तत्थ लहुं, तो दिट्ठो तेहिं सो कुमरों ॥ ७५ ॥ दाहिणकरेण लोयं, कुणमाणो देवयाइ तप्पुरओ। दिट्ठा जयसद्दपरा धम्मोवगरणपडलहत्था ॥ ७६ ॥ विम्हियमणा लहुं चिय, ते गंतुं निअपहुस्स अकहिंसु । सोवि लहुं संपत्तो, सपरियणो तत्थ जाव निवो॥७७॥ ता दिट्ठो कुमरमुणी, सोहम्माहिवइणा धरियछत्तो। धम्म सुरमणुआणं, अक्खंतो कणयकमलत्थो॥७८॥ ओहीनाणेण तहा, असंखजम्माणुभूअनिअचरि। सुहदुक्खं
॥१४॥
