________________
श्रीजैन कथासंग्रहः
श्री अथ सुसढचरित्रम्।
॥५॥
सुणित्तु सुयवयणं । मह मुच्छा संजाया, जाईसरणं च सुहभावा।। ४७ ॥ जाईसरणेण मए, संखिजे जाणिए य पुव्वभवे । तो मे पेमं सव्वं, गलियं धणसयणबंधस॥४८॥ ताव इमं सुहिसयणा, कीरइ कजं तु जाव एयाण। तविरहे पुण तेच्चिय, वइरीण वि हुंति अब्भहिया॥४९॥ पञ्चक्खं चिय पिच्छह, जस्स कए मे कुहिडिमाईणं। पूआतवचरणाइं, कयाई उवयाइयसयाई ॥५०॥ नवमासे अइरेगे, धरिओ कुच्छीइ जो उ नेहेणं । जायंमि जंमि वद्धा-वणेसु दाणं च बहु दिन्नं ॥५१॥जस्स मए बालते, मुत्तपुरीसाइ अवणयंतीए। मोहग्गहगहिआए, गणिया थेवा वि न दुग्गंछा ।। ५२ ॥ तह मिट्ठाहारेहिं, जो रत्तिदिणंपिं पोसिओ निच्चं । अब्भंगणमाईहिं, उवयरिओ जुव्वणं पत्तो॥५३॥ परिचिंतियं मएयं, जमहं पुत्तप्पभावओ पच्छा। पणयजणपूरिआसा, सुहेण 38 कालं गमीहामि॥५४॥ता जस्स कएण मए, सरीर भोगट्टिई विपरिचत्ता। तेण सुएणं एवं ति ववसिअंमज्झ पच्चक्खं ॥५५॥ किं च मए नहु विहिरं, परलोयसुहावहं अणुट्ठाणं । धरियं मए न सम्मं, सम्मत्तं मुक्खतरुबीयं ॥ ५६ ॥ न मए दंसणसुद्धीइ, कारगं दव्वपूअपुव्वं तु । चिअवंदणं तिकालं, जिणबिंबाणं कयं विहिणा ॥५७॥ न मए परकजकओजमाइ विहिओ तवो ससत्तीए । नो पव्वतिहीसु सया सामाइय पोसहो वा वि ॥५८॥ नमए गिहकजपरायणाइ अज्झाइयं नवं किंचि। पुव्वाहीयंपि तहा नहु गुणियं गुणविहीणाए॥५९॥ किंबहुणा भणिएणं पावकुडुंबस्स मोहियमणाए। लक्खंसेणवि धम्मो, नको हा हारिओ जम्मो॥६०॥ तो भो
॥५॥
