________________
जहा सतेहिं कम्मायाणेहिं जीवा नेरइय जाव उववजंति, एवं खलु अहं अम्मतातो ! जं चैव जाणामि तं चैव न याणामि जं चैव न याणामि तं चैव जाणामि, इच्छामि णं अम्मतातो! तुन्भेहिं अन्भणुष्णाते जाव पव्वतते, तते णं तं अहमुत्तं कुमारं अम्मापियरो जाहे नो संचाएंति बहूहिं आघव० तं इच्छामो ते जाता ! एगदिवसमवि रातसिरिं पासेत्तते, त० से अतिमुत्ते कुमारे अम्मापि वयणमणुयत्तमाणे तुसिणीए संचि ट्ठति अभिसेओ जहा महाबलस्स निक्खमणं जाव सामाइयमाइयाइं अहिज्जति बहूई वासाईं सामण्णप रियागं गुणरयणं जाव विपुले सिद्धे १५ । तेणं कालेणं २ बाणारसीए नयरीए काममहावणे चेतिते, तत्थ णं बा णारसीह अलक्खे णामं राया होत्था, तेणं कालेणं २ समणे जाव विहरति परिसा०, तते णं अलक्खे राया इमीसे कहाते लट्ठे हट्ठ जहा कूणिए जाव पज्जुवासति धम्मकहा० त० से अलक्खे राया समणस्स भगवओ महा० जहा उदायणे तहा णिक्खते णवरं जेट्ठपुत्तं रज्जे अहिसिंचति एक्कारस अंगा बहू वासा परियाओ जाव विपुले सिद्धे १६। एवं जंबू ! समणेणं जाव छट्ठस्स वग्गस्स अयमट्ठे पन्नत्ते (सू० १५) जति णं भंते! सत्तमस्स वग्गस्स उक्खेवओ जाव तेरस अज्झयणा पण्णत्ता - 'नंदा १ तह नंदुमती २ नंदोत्तर ३ नंदसेणिया ४ चेव । महया ५ सुमरुत ६ महमरुय ७ मरुद्देवा ८ य अट्ठमा ॥१॥ भद्दा ९ य सुभद्दा १० य, सुजाता ११ सुमणातिया १२ भूयदित्ता १३ य बोद्धव्वा, सेणियभजाण नामाई ॥ २ ॥ जइ णं भंते ! तेरस अज्झयणा पन्नत्ता पढमस्स णं भंते! अज्झयणस्स समणेणं० के अट्ठे पन्नत्ते ?, एवं खलु जंबू ! तेणं का० २ रायगिहे नगरे
Jain Educational
For Personal & Private Use Only
Minelibrary.org
