________________
लीसं भवणावाससयसहस्सा भवन्तीतिमक्खाय, ते णं भवणा बाहिं वट्टा जाव पडिरूवा, एत्थ णं दाहिणिल्लाणं नागकुमाराणं पजत्तापजत्ताणं ठाणा पन्नत्ता, तीसुवि लोयस्स असंखेजइभागे, एत्थ णं दाहिणिल्ला नागकुमारा देवा परिषसंति महिड्डिया जाव विहरंति, धरणे इत्थ नागकुमारिंदे नागकुमारराया परिवसइ महड्डिए जाव पभासेमाणे, से णं तत्थ चउयालीसाए भवणावाससयसहस्साणं छण्हं सामाणियसाहस्सीणं तायत्तीसाए तायत्तीसगाणं चउण्हं लोगपालाणं छह अग्गमहिसीणं सपरिवाराणं तिण्हं परिसाणं सत्तण्हं अणियाणं सत्तण्हं अणियाहिवईणं चउव्वीसाए आयरक्खदेवसाहस्सीणं अन्नसिं च बहूणं दाहिणिल्लाणं नागकुमाराणं देवाण य देवीण य आहेवच्चं पोरेवच्चं कुचमाणे विहरइ । कहिणं भंते उत्तरिल्लाणं णागकुमाराणं देवाणं पजत्तापलत्ताणं ठाणा पनत्ता ?, कहि णं भंते ! उत्तरिल्ला नागकुमारा देवा परिवसंति !, गोयमा ! जम्बुद्दीवे दीवे मन्दरस्स पव्वयस्स उत्तरेणं इमीसे रयणप्पभाए पुढवीए असीउत्तरजोयणसयसहस्सबाहल्लाए उवरिं एगं जोयणसहस्सं ओगाहित्ता हेट्ठा चेगं जोयणसहस्सं वजित्ता मज्झे अट्टहुत्तरे जोयणसयसहस्से एत्थ णं उत्तरिल्लाणं नागकुमाराणं देवाणं चत्तालीसं भवणावाससयसहस्सा भवन्तीतिमक्खायं, ते णं भवणा बाहिं वट्टा सेसं जहा दाहिणिलाणं जाव विहरंति, भूयाणंदे एत्थ नागकुमारिंदे नागकुमारराया परिवसइ, महिड्डीए जाव पभासेमाणे, सेणं तत्थ चत्तालीसाए भवणावाससयसहस्साणं आहेवचं जाव विहरइ ॥ कहि णं भंते ! सुवनकुमाराणं देवाणं पज्जत्तापजताणं ठाणा पन्नत्ता ?, कहि णं भंते ! सुवनकुमारा देवा परिवसंति ?, गोयमा ! इमीसे रयणप्पभाए पुढवीए जाव एत्थ णं सुवन्नकुमाराणं देवाणं बावत्तरि भवणावाससयसहस्सा भवन्तीतिमक्खायं । ते णं भवणा चाहिं वट्टा जाव पडिरूवा, तत्थ
Jain Educati
o
nal
For Personal & Private Use Only
Mmmnelibrary.org
