________________
Jain Educational
लोयस्स असंखेजइभागे समुग्धाएणं लोयस्स असंखेजइभागे सहाणेणं लोयस्स असंखेजइभागे, तत्थ णं बहवे धूमप्पभाढवीनेरइया परिवसन्ति, काला कालोभासा गंभीर लोमहरिसा भीमा उत्तासणगा परमकिण्हा वनेणं प० समणाउसो !, ते णं णरगा निश्च भीता निच्चं तत्था निच्चं तसिया निश्च्चं उद्विग्गा निश्च्चं परममसुहसंबद्धं नरगभयं पच्चणुभवमाणा विहरन्ति । कहि णं भंते ! तमापुढवीनेरइयाणं पञ्जत्तापञ्जत्ताणं ठाणा प० १, कहि णं भंते! तमापुढवीनेरइया परिवसंति ?, गोयमा ! तमाए पुढवीए सोलसुत्तरजोयणसय सहस्सबाहल्लाए उवरिं एगं जोयणसहस्सं ओगाहिता हिडा चेगं जोयणसहस्सं वजित्ता मज्झे चउदसुत्तरजोयणसयसहस्से एत्थ णं तमप्पभापुढवीनेरइयाणं एगे पंचूणे णरगावाससय सहस्से हवन्तीति मक्खायं, ते णं णरगा अंतो वट्टा बाहिं चउरंसा अहे खुरप्पसंठाणसंठिया निश्चंधयारतमसा ववगयगहचंदसूरनक्खतजोइसियपहा भेदवसापूयपडलरुहिरमंसचिक्खिल्ललित्ताणुलेवणतला असुइवीसा परमदुब्भिगंधा कक्खडफासा दुरहियासा असुभा नरगा असुभा नरगेसु वेयणाओ, एत्थ णं तमापुढवीनेरइयाणं पञ्जत्तापञ्जत्ताणं ठाणा प०, उववाएणं लोयस्स असंखेज भागे समुग्धाएणं लोयस्स असंखेज्जइभागे सहाणेणं लोयस्स असंखेजइभागे, तत्थ णं बहवे तमप्पभापुढवीनेरइया परिवसंति, काला कालो भासा गंभीर लोमहरिसा भीमा उत्तासणगा परमकिण्हा वनेणं प० समणाउसो !, ते णं निच्चं भीता निच्चं तत्था निचं तसिया निच्चं उव्विग्गा निच्चं परममसुहसंबद्धं नरगभयं पच्चणुभवमाणा विहरन्ति । कहि णं भंते ! तमतमापुढवीनेरइयाणं पत्तापत्ताणं ठाणा प० १, कहि णं भंते ! तमतमापुढवीनेरइया परिवसंति १, गोयमा ! तमतमाए पुढवीए अढोत्तरजोयण सय सहस्सबाहल्लाए उवरिं अद्धतेवन्नं जोयणसहस्साई ओगाहित्ता हेट्ठावि अद्धतेवनं जोयणसहस्साइं वजित्ता मझे
For Personal & Private Use Only
nelibrary.org
