________________
णं सक्करप्पभापुढवीनेरइयाणं पजत्तापज्जत्ताणं ठाणा प०, उववाएणं समुग्घाएणं सहाणेणं लोगस्स असंखेजइभागे, तत्थ णं बहवे सकरप्पभापुढवीनेरइआ परिवसन्ति, काला कालोभासा गंभीरलोमहरिसा भीमा उत्तासणगा परमकिण्हा वनेणं प० समणाउसो! ते णं निचं भीता निच्चं तत्था निच्चं तसिया निच्चं उबिग्गा निचं परममसुहसंबद्धं नरगभयं पञ्चणुभवमाणा विहरन्ति । कहि णं भंते ! वालुयप्पभापुढवीनेरइयाणं पजत्तापज्जत्ताणं ठाणा प०१, कहिणं भंते ! वालुयप्पभापुढवीनेरइया परिवसंति ?, गोयमा! वालुयप्पभापुढवीए अट्ठावीसुत्तरजोयणसयसहस्सबाहल्लाए उवरि एगं जोयणसहस्सं ओगाहित्ता हेहा चेगं जोयणसहस्सं वज्जित्ता मज्झे छव्वीसुत्तरजोयणसयसहस्से एत्थ णं वालुयप्पभापुढवीनेरइयाणं पन्नरसनरयावाससयसहस्सा भवन्तीति मक्खायं, ते णं गरगा अंतो वट्टा बाहि चउरंसा अहे खुरप्पसंठाणसंठिया निचंधयारतमसा ववगयगहचंदमूरनक्खत्तजोइसप्पहा मेदवसापूयपडलरुहिरमंसचिक्खिल्ललित्ताणुलेवणतला असुइवीसा परमदुब्भिगंधा काउअगणिवन्नाभा कक्खडफासा दुरहियासा असुभा नरगा असुभा नरगेसु वेयणाओ एत्थ णं वालुयप्पभापुढवीनेरइयाणं पज्जत्तापजत्ताणं ठाणा प०, उववाएणं लोयस्स असंखेजइभागे, समुग्धाएणं लोयस्स असंखेजइभागे, सहाणेणं लोयस्स असंखेजइभागे, तत्थ णं बहवे वालुयप्पभापुढवीनेरइया परिवसंति, काला कालोभासा गंभीरलोमहरिसा भीमा उत्तासणगा परमकिण्हा वन्नेणं प० समणाउसो !, ते णं निच्चं भीता निच्चं तत्था निच्चं तसिआ निच्चं उद्विग्गा निच्चं परममसुहं संबद्धं णरगभयं पञ्चणुभवमाणा विहरन्ति । कहि णं भंते ! पंकप्पभापुढवीनेरइयाणं पञ्जतापजत्ताणं ठाणा प० १, कहि णं भंते ! पंकप्पभापुढवीनेरइया परिवसंति ?, गोयमा ! पंकप्पभापुढवीए वीसुत्तरजोय
in Education
For Personal & Private Use Only
nebrary.org
