________________
णेसु विमाणावलियासु विमाणपत्थडेसु तिरियलोए अगडेसु तलायेसु नदीसु दहेसु वावीसु पुक्खरिणीसु दीहियासु गुंजालियासु सरेसु सरपंतियासु सरसरपंतियासु बिलेसु बिलपंतियासु उज्झरेसु निज्झरेसु चिल्ललएसु पल्ललएसु वप्पणेसु दीवेसु समुद्देसु सवेसु चेव जलासएसु जलहाणेसु एत्थ णं बादरआउकाइयाणं पज्जत्तगाणं ठाणा प०, उववाएणं लोयस्स असंखेजइभागे समुग्घायेणं लोयस्स असंखेन्जइभागे सहाणेणं लोयस्स असंखेजइभागे । कहि णं भंते ! बादरआउकाइयाणं अपजत्तगाणं ठाणा प०१, गोयमा ! जत्थेव बादरआउकाइयाणं पज्जत्तगाणं ठाणा प० तत्थेव बादरआउकाइयाणं अपज्जतगाणं ठाणा प० उववाएणं सवलोए समुग्धायेणं सबलोए सहाणेणं लोयस्स असंखेजहभागे । कहिणं भंते ! सुहुमआउकाइयाणं पज्जत्तगाणं अपज्जत्तगाणं ठाणा प० १, गोयमा ! सुहुमआउकाइया जे पज्जत्तगा जे अपज्जत्तगा ते सो एगविहा अविसेसा अणाणत्ता सबलोयपरियावनगा प० समणाउसो!। कहिणं भंते ! बायरतेउकाइयाणं पज्जत्तगाणं ठाणा प०, गोयमा ! सहाणेणं अंतोमणुस्सखेत्ते अड्डाइजेसु दीवसमुद्देसु निवाघायेणं पन्नरससु कम्मभूमीसु वाघायं पडुच्च पंचसु महाविदेहेसु एत्थ णं बादरतेउकाइयाणं पजत्तगाणं ठाणा प० उववाएणं लोयस्स असंखेज्जइभागे समुग्धाएणं लोगस्स असंखेजइभागे सहाणेणं लोयस्स असंखेजइभागे । कहिणं भन्ते ! बायरतेउकाइयाणं अपजत्तगाणं ठाणा प०, गोयमा! जत्थेव बायरतेउकाइयाणं पज्जत्तगाणं ठाणा तत्थेव बायरतेउकाइयाणं अपज्जत्तगाणं ठाणा प०, उववाएणं लोयस्स दोसु उड्ढकवाडेसु तिरियलोयतट्टे य समुग्घाएणं सबलोए सहाणेणं लोयस्स असंखेजइभागे । कहिणं मंते! सुहुमतेउकाइयाणं
Jain Education
:
For Personal & Private Use Only
Ctrljanelibrary.org
