________________
निरया॥१९॥
कप्पवडिसिया २
वलिका.
जति णं भंते ! समणेणं भगवया जाव संपत्तेणं उबंगाणं पढमस्स वग्गस्स निरयावलियाणं अयमढे पन्नत्ते, दोचस्सणं भंते ! वग्गस्स कप्पवडिसियाणं समणेणं जाव संपत्तेणं कइ अझयणा पन्नत्ता? एवं खलु जंबू ! समगेणं भगवया जाव संपत्तेणं कप्पवडिसियाणं दस अज्झयणा पन्नत्ता,तं जहा-पउमे १ महापउमे २ भद्दे ३ सुभद्दे ४ पउमभद्दे५ पउमसेणे ६ पउमगुम्मे ७ नलिणिगुम्मे८ आणंदे९ नंदणे १०। जइणं भंते ! समण जाव संपत्तेगं कप्पवडिंसियाग दस अज्झयणा पन्नत्ता, पढमस्स णं भंते ! अज्झयणस्स कप्पवडिसियाणं समणेणं भगवया जाव के अढे पन्नत्ते ? एवं खलु जंबू ! तेणं कालेणं तेणं समएणं चंपा नाम नयरी होत्था । पुन्नभद्दे चेइए । कूणिए राया। पउमावई देवी । तत्थ णं चंगाए नयरीए सेणियस्स रनो भज्जा कूणियस्स रनो चुल्लमाउया काली नाम देवी होत्था, सुकुमाला । तोसे णं कालीए देवीए पुत्ते काले नाम कुमारे होत्था, सुकुमाले । तस्स णं कालस्स कुमारस्स पउमावई नामं देवी होत्या, सोमाला जाव विहरति । तते णं सा पउमावई देवी अन्नया कयाई तंसि तारिसगंसि वासघरंसि अभितरतो सचित्तकम्मे जाव सोहं सुमिणे पासित्ता णं पडिबुद्धा, एवं जम्मणं जहा महाबलस्स, जाव नामधिज्ज, जम्हा णं अम्हं इमे दारए कालस्स कुमारस्स पुत्ते पउमावईए देवीए अत्तए तं होउणं अम्हं इमस्स दारगस्स नामधिज्ज पउमे पउमे, सेसं जहा महब्बलस्स अट्ठओ दातो जाव उप्पि पासायवरगते विहरति । सामी समोसरिए । परिसा निग्गया। कूणिते निग्गते । पउमे वि जहा महब्बले निग्गते तहेव अम्मापिति आपुच्छणा जाव
| ॥१९॥
dain Educati
o
nal
For Personal & Private Use Only
e
nelibrary.org
