Page Text
________________
नवण्हं मासाणं बहुपडि पुण्णाणं जाव सोमाल सुरूष दारयं पयाया। तते णं तीसे चेल्लणाए देवीए इमे एतारूवे जाव समुप्पजित्था-जइ ताव-इमेणं दारएणं गभगएणं चेव पिउणो उदरवलिमसाई खाइयाई, तं न नज्जइ णं एस दारए संवद्रमाणे अम्हं कुलस्स अंतकरे भविस्सति, तं सेयं खलु अम्हं एवं दारगं एगते उकुरुडियाए उज्झावित्तए एवं संपेहेति २ दासचेडिं सद्दावेति २ एवं वयासी-गच्छह णं तुमं देवाणुप्पिए एवं दारगं एगते उकुरुडियाए उज्झाहि। तते ण सा दासचेडी चेल्लणाए देवीए एवं वुत्ता समाणी करतल. जाव कटु चिल्लणाए देवीए एतमट्ट विणएणं पडिमुणेति २ ते दारगं करतलपुडेणं गिण्हति, जेणेव असोगवणिया तेणेव उवा० २ तं दारगं एगते उकुरुडियाए उज्झाति । तते णं तेणं दारएणं एगते उकुरुडियाए उज्झितेणं समाणेणं सा असोगवणिया उज्जोविता यावि होत्था । तते णं से सेणिए राया इमीसे कहाए लढे समाणे जेणेव असोगवणिया तेणेव उवा० २ तं दारगं एगते उकुरुडियाए उज्झियं पासेति २ आसुरुत्ते जाव मिसिमिसेमाणे तं दारगं करतलपुडेणं गिण्हति २ जेणेव चिल्लणा देवी तेणेव उवा०२ चेल्लणं देविं उच्चावयाहिं आओसणाहिं आओसति २ उच्चावयाहिं निभच्छणाहिं निब्भच्छेति २ एवं उद्धंसणाहिं उद्धंसेति २ एवं वयासी-किस्स णं तुमं मम पुत्तं एगंते उकुरुडियाए उज्झावेसि तिकट्ट चेल्लणं देविं उच्चावयसवहसावितं करेति २ एवं वयासी-तुम णं देवाणुप्पिए! एवं दारगं अणुपुव्वेणं सारक्खमाणी संगोवेमाणी संवड़ेहि। तते णं सा चेल्लणा देवी सेणिएणं रचा एवं वुत्ता समाणी लजिया विलिया विड्डा करतलपरिग्गहियं सेणियस्स रनो विणएणं एयम हूँ पडिमुणेति २ तं दारगं अणुपुत्वेणं सारक्खमाणी संगोवेमाणी संवड्डेति । तते णं तस्स दारगस्स एगते आक्रोशो निर्भर्त्सना उद्धर्षणा (पते समानार्थाः) । लजिया विलिया विट्टा' (पतेऽपि समानार्थाः)।
dan Educa
ional
For Personal & Private Use Only
W
inelibrary.org
| SR No. | 600238 |
| Book Title | Niryavalikasutram |
| Original Sutra Author | Chandrasuri |
| Author | |
| Publisher | Agamoday Samiti |
| Publication Year | 1922 |
| Total Pages | 86 |
| Language | Sanskrit |
| Classification | Manuscript & agam_nirayavalika |
| File Size | 9 MB |