________________
जाणि य रायकिच्चाणि य रायनीतीओ य रायववहारा य ताई जियसत्तुणा सद्धि सयमेव पच्चुवेरुखमाणे विहराहित्तिकह विसज्जिए । तए णं से चित्ते सारही पएसिणा रण्णा एवं वुत्ते समाणे हट्ट जाव पडिसुणेत्ता तं महत्थं जाव पाहुडं गेण्हइ, पएसिस्स रणो जाव पडिणिक्खमह २ त्ता सेयवियं नगरि मज्झमज्झेणं जेगेव सए गिहे तेणेव उवागच्छति उवागच्छित्ता तं महत्थं जाव पाहुडं ठवेइ, कोडुबियपुरिसे स. हावेइ २त्ता एवं वयासी-खिप्पामेव भो ! देवाणुप्पिया ! सच्छत्तं जाव चाउरघंटं आसरहं जुत्तामेव उवद्ववेह जाव पञ्चप्पिणह । तए णं ते कोडुंबियपुरिसा तहेव पडिसुणित्ता खिप्पामेव सच्छत्तं जावजुद्धसज चाउग्घंट आसरहं जुत्तामेव उवद्ववेन्ति, तमाणत्तियं पञ्चप्पिणंति, तए णं से चित्ते सारही कोडुंबियपुरिसाण अंतिए एयम8 जाव हियए हाए कयबलिकम्मे कयकोउयमंगलपायच्छित्ते सन्नडबडवम्मियकवए उप्पोलियसरासणपट्टिए पिणिडगेविज्जे बद्धआविद्धविमलवरचिंध. पट्टे गहियाउहपहरणे तं महत्थं जाव पाहडं गेण्हइ २ जेणेव चाउरघंटे आसरहे तेणेव उवागच्छह २ चाउग्घंटे आसरहं दुरूहेति,बहहिं पुरिसेहिं सन्नद्धजाव गहियाउहपहरणेहिं सद्धि संपरिवुदे सकोरिटमल्लदामेणं छत्तेणं धरेजमाणेणंर महया भडचडगररहपहकरविंदपरिक्खित्तेसाओ गिहाओ णिग्गच्छइ सेयविर्य नगरि मज्झमज्झेणं णिग्गच्छह २त्ता सुहेहि वासेहिं पायरासेहिं नाइविकिठेहिं
Jain Education Internationa
For Personal & Private Use Only
www.jainelibrary.org
