________________
परसमयविसारए य असंघायणिजे भवइ ५९ ॥ दसणसंपन्नयाए णं भंते० १, २ भवमिच्छत्तछेयणं करेइ परं न विज्झायई, अणुत्तरेण नाणदंसणेणं अप्पाणं संजोएमाणे सम्मं भावेमाणे विहरइ ६०॥ चरित्तसंपन्नयाए णं भंते०१, २ सेलेसीभावं जणेइ, सेलेसिं पडिवन्ने अणगारे चत्तारि कम्मंसे खवेइ, तओ पच्छा सिज्झइ ५, ६१॥ सोइंदियनिग्गहेणं भंते० १, २ मणुन्नामणुन्नेसु सद्देसु रागद्दोसणिग्गहं जणेइ तप्पच्चइयं च णं कम्मं न बंधइ पुव्वबद्धं च निजरेइ ६२॥ एवं चखिदिय०६३॥ घाणिंदिय०६४ ॥ जिभिदिय० ६५॥ फासिंदिय० ६६॥ कोहविजएणं भंते !०१,२ खंति जणेइ कोहवेयणिजं कम्मं न बंधइ पुव्वनिबद्धं च निजरेइ ६७॥ एवं माणविज० मद्दवं ६८॥ माया० अजवं ६९॥ लोभ० संतोसं ७०॥ पिजदोसमिच्छादसणविजएणं भंते?, २ नाणदंसणचरिताराहणयाए अन्भुटेइ अट्टविहस्स कम्मस्स कम्मगंठिविमोयणयाए, तप्पढमयाए जहाणुपुर्वि अट्ठावीसइविहं मोहणिजं कम्मं उग्याएइ, पंचविहं नाणावरणिजं नवविहं दंसणावरणिजं पंचविहं अंतरायं, एए तिनि कम्मंसे जुगवं खवेइ, तओ पच्छा अणुत्तरं अणंतं कसिणं पडिपुन्नं निरावणं वितिमिरं विसुद्धं लोगालोगप्पभासगं केवलवरनाणदंसणं समुप्पाडेइ जाव सजोगी हवइ ताव य इरियावहियं कम्मं निबंधइ-महफरिसं दुसमयट्टिईयं, तं पढमसमए बद्धं बिइयसमए वेइयं तइयसमए निजिन्नं, तं बद्धं पुढे उदीरियं वेइयं निजिन्नं, सेयाले अकम्मं चावि भवइ ७१॥ अहाउयं पालइत्ता अंतोमुहत्तद्धावसेसाए जोगनिरोहं करेमाणो सुहुमकिरियं अप्पडिवाई सुक्कज्झाणं झायमाणे तप्पढमयाए
Jain Education International
For Personal & Private Use Only
www.jainelibrary.org
