________________
निजरं जणेइ सुअस्स य अणुसजणाए अणासायणाए वह, सुयस्स य अणुसज्जणाए अणासायणाए वहमाणे तित्थधम्मं अवलंबइ, तित्थधम्ममवलंबमाणे महानिजराए महापजवसाणे हवइ १९॥ पडिपुच्छणाए णं भंते ! जीवे किं जणेइ १, २ सुत्तत्थतदुभयाई विसोहेइ, कंखामोहणिज कम्म वुच्छिदेइ २०॥ परियघणयाए णं भंते ! जीवे किं जणेइ ?, २ वंजणाई जणेइ वंजणलद्धिं च उप्पाएइ २१॥ अणुप्पेहाए णं भंते ! जीवे किं जणेइ , २ आउयवज्जाओ सत्त कम्मपयडीओ धणियबंधणबडाओ सिढिलबंधणबद्धाओ पकरेइ, दीहकालहिईयाओ हस्सकालहिईयाओ पकरेइ, तिव्वाणुभावाओ मंदाणुभावाओ पकरेइ, बहुप्पएसग्गाओ अप्पपएसग्गाओ पकरेइ, आउं च णं कम्मं सिय बंधइ सिय नोबंधइ, अस्सायावेयणिज्जं च णं कम्मं नो भुजो भुज्जो उवचिणइ, अणाइयं च णं अणवयग्गं दीहमद्धं चाउरंतसंसारकंतारं खिप्पामेव वीइवयइ २२॥ धम्मकहाए णं भंते! जीवे किं जणेइ , २ निजरं जणेइ, धम्मकहाए णं पवयणं पभावेइ, पवयणपभावएणं जीवे आगमिसस्समद्दत्ताए कम्मं निबंधइ |२३ ॥ सुयस्स आराहणयाए णं भंते! किंजणेइ , २ अन्नाणं खवेइ, न य संकिलिस्सइ २४ ॥ एगग्गमणसंनिवेसणाए णं भंते! जीवे किंजणेइ , २ चित्तनिरोहं करेइ २५॥ संजमेणं भंते! जीवे किं जणेइ १, २ अणण्हयत्तं जणेइ २६ ॥ तवेणं भंते ! जीवे किं जणेइ , २ वोयाणं जणेइ २७ ॥ वोयाणेणं भंते ! जीवे किं जणेइ , २ अकिरियं जणेइ, अकिरियाए भवित्ता तओ पच्छा सिज्झइ ५, २८ ॥ सुहसाएणं
Jain Education International
For Personal & Private Use Only
www.jainelibrary.org
