Page Text
________________
श्रीसमवायांगे
१८ समवायाध्य
श्रीअभय० वृत्तिः
HOSANSARASHASGS
कामभोगे णेव सेयं मणेणं सेवइ णोवि अण्णं मणेणं सेवावेइ मणेणं सेवंतंपि अण्णं न समणुजाणाइ दिव्वे कामभोगेणेव सयं वायाए सेवइ णोवि अण्णं वायाए सेवावेइ वायाए सेवंतंपि अण्णं न समणुजाणाइ दिव्वे कामभोगे णेव सयंकाएणं सेवइ णोवि अण्णं कारणं सेवावेइ कारणं सेवंतंपि अण्णं न समणुजाणाइ, अरहतो णं अरिहनेमिस्स अट्ठारस समणसाहस्सीओ उक्कोसिया समणसंपया होत्था, समणेणं भगवया महावीरेणं समणाणं णिग्गंथाणं सखुड्यविअत्ताणं अट्ठारस ठाणा प० तं-वयछक्कं ६ कायछक्कं १२, अकप्पो १३ गिहिभायणं१४ । पलियंक १५ निसिज्जा १६ य, सिणाणं १७ सोभवजणं १८॥१॥आयारस्स णं भगवतो सचूलिआगस्स अट्ठारस पयसहस्साई पयग्गेणं प०, बंभीए णं लिवीए अट्ठारसविहे लेखविहाणे प० तं०-बभी जवणी लियौदोसा ऊरिओं खरोटिओखरसाविओं पहाराइया उच्चत्तरी अकूखरपुट्टियों भोगवयतां वेणतियाँ णिण्हइयों अंकलिवि गणिअलिवी गंधवलिवी भूयलिवि आदंसलिंवी माहेसरीलिवी दामिलिवी बोलिंदिलिवी, अत्थिनत्थिप्पवायस्स णं पुव्वस्स अट्ठारस वत्थू प०, धूमप्पभाए णं पुढवीए अट्ठारसुत्तरं जोयणसयसहस्सं बाहलेणं प०, पोसासाढेसु णं मासेसु सइ उक्कोसेणं अट्ठारसमुहुत्ते दिवसे भवइ सइ उक्कोसेणं अट्ठारसमुहुत्ता राती भवइ, इमीसे णं रयणप्पभाए पुढवीए अत्यंगइयाणं नेरइयाणं अट्ठारस सागरोवमाई ठिई प०, असुरकुमाराणं देवाणं अत्थेगइयाणं अट्ठारस पलिओवमाइं ठिई प०, सोहम्मीसाणेसु कप्पेसु अत्थेगइआणं देवाणं अट्ठारस पलिओवमाइं ठिई प०, सहस्सारे कप्पे देवाणं उक्कोसेणं अट्ठारस सागरोवमाई ठिई प०, आणए कप्पे देवाणं अत्थेगइयाणं जहण्णेणं अट्ठारस सागरोवमाई ठिई प०, जे देवा कालं सुकालं महाकालं अंजणं रिटं सालं समाणं दुमं महादुमं विसालं सुसालं पउमं पउमगुम्मं कुमुदं कुमुदगुम्म नलिणं नलिणगुम्मं पुंडरीअं पुंडरीयगुम्मं सहस्सारवडिंसगं विमाणं देवत्ताए उववण्णा तेसि णं देवाणं अट्ठारस सागरोवमाई
॥३५॥
Jain Education International
For Personal & Private Use Only
www.jainelibrary.org
| SR No. | 600227 |
| Book Title | Samvayangasutram |
| Original Sutra Author | Haribhadrasuri |
| Author | |
| Publisher | Agamoday Samiti |
| Publication Year | 1918 |
| Total Pages | 326 |
| Language | Sanskrit |
| Classification | Manuscript & agam_samvayang |
| File Size | 6 MB |