Page Text
________________
श्रीसमवा
यांगे श्रीअभय
३४ समवायाध्य.
वृत्तिः
॥६
॥
अभिसंजायइ अंधकारेवि य णं दस दिसाओ पभासेइ १२ बहुसमरमणिजे भूमिभागे १३ अहोसिरा कंटया जायंति १५ उऊविवरीया सुहफासा भवंति १५ सीयलेणं सुहफासेणं सुरभिणा मारुएणं जोयणपरिमंडलं सबओ समंता संपमजिजइ १६ जुत्तफुसिएणं मेहेण य निहयरयरेणूयं किजइ १७ जलथलयभासुरपभूतेणं बिंटट्ठाइणा दसवण्णेणं कुसुमेणं जाणुस्सेहप्पमाणमित्ते पुप्फोवयारे किजइ १८ अमणुण्णाणं सद्दफरिसरसरूवगंधाणं अवकरिसो भवइ १९ मणुण्णाणं सद्दफरिसरसरूवगंधाणं पाउन्भावो भवइ २० पच्चाहरओवि य णं हिययगमणीओ जोयणनीहारी सरो २१ भगवं च णं अद्धमागहीए भासाए धम्ममाइक्खइ २२ सावि य णं अद्धमागही भासा भासिज्जमाणी तेर्सि सव्वेसिं आरियमणारियाणं दुप्पयचउप्पअमियपसुपक्खिसरीसिवाणं अप्पणो हियसिवसुहयभासत्ताए परिणमइ २३ पुवबद्धवेरावि य णं देवासुरनागसुवण्णजक्खरक्खसकिनरकिंपुरिसगरुलगंधव्वमहोरगा अरहओ पायमूले पसंतचित्तमाणसा धम्म निसामति २४ अण्णउत्थियपावयणियावि य णमागया वंदंति २५ आगया समाणा अरहओ पायमूले निप्पलिवयणा हवंति २६ जओ जओवि य णं अरहंतो भगवंतो विहरंति तओ तओवि य णं जोयणपणवीसाएणं ईती न भवइ २१ मारी न भवइ २८ सचक्कं न भवइ २९ परचक्कं न भवइ ३० अइबुट्ठी न भवइ ३१ अणावुट्ठी न भवइ ३२ दुभिक्खं न भवइ ३३ पुव्वुप्पण्णावि य णं उप्पाइया वाही खिप्पमिव उवसमंति ३४ जंबुद्दीवे णं दीवे चउत्तीसं चक्कवट्टिविजया प० तं०-बत्तीसं महाविदेहे दो भरहे एरवए, जंबुद्दीवे णं दीवे चोत्तीसं दीहवेयड्डा प०, जंबुद्दीवे णं दीवे उक्कोसयए चोत्तीसं तित्थंकरा समुप्पजंति, चमरस्स णं असुरिंदस्स असुररण्णो चोत्तीसं भवणावाससयसहस्सा ५०, पढमपंचमछट्ठीसत्तमासु चउसु पुढवीसु चोत्तीसं निरयावाससयसहस्सा प०॥ सूत्रं ३४ ॥
॥६
॥
Jain Education International
For Personal & Private Use Only
www.jainelibrary.org
| SR No. | 600227 |
| Book Title | Samvayangasutram |
| Original Sutra Author | Haribhadrasuri |
| Author | |
| Publisher | Agamoday Samiti |
| Publication Year | 1918 |
| Total Pages | 326 |
| Language | Sanskrit |
| Classification | Manuscript & agam_samvayang |
| File Size | 6 MB |