________________
व्याख्यातमेकविंशतितमं शतम् , अथ क्रमायातं द्वाविंशं व्याख्यायते, तस्य चादावेवोद्देशकवर्गसङ्ग्रहायेयं गाथातालेगट्टियबहुबीयगा य गुच्छा य गुम्म वल्ली य । छद्दस वग्गा एए सहिं पुण होंति उद्देसा ॥१॥रायगिहे । जाव एवं वयासी-अह भंते ! तालतमालतकलितेतलिसालसरलासारगल्लाणं जाव केयतिकदलचम्मरुक्खगुंतरुक्खहिंगुरुक्खलवंगरुक्खपूयफलखजूरिनालएरीणं एएसि णं जे जीवा मूलत्ताए वक्कमंति ते णं भंते ! जीवा कओहिंतो उववजंति?, एवं एत्थवि मूलादीया दस उद्देसगा कायचा जहेव सालीणं, नवरं इमं नाणत्तं मूले कंदे खंधे तयाय साले य एएसु पंचसु उद्देसगेसु देवो न उववज्जति, तिन्नि लेसाओ, ठिती जहन्नेणं अंतोमु. उक्कोसेणं दसवाससहस्साई, उवरिल्लेसु पंचसु उद्देसएसु देवो उववज्जति, चत्तारि लेसाओ ठिती जहन्नेणं अंतोमु० उक्कोसेणं वासपुहुत्तं ओगाहणा मूले कंदे धणुहपुहुत्तं खंधे तयाय साले य गाउयपुहुत्तं पवाले पत्ते धणुहपुहुत्तं, पुप्फे हत्थपुहत्तं, फले बीए य अंगुलपुहुत्तं, सवेसिं जहन्नेणं अंगुलस्स असंखेजइभागं सेसं जहा सालीणं, एवं एए दस उद्देसगा ॥ पढमो वग्गो समत्तो ॥ २२-१॥ अह भंते ! निबंबजंबुकोसंबतालअंकोल्लपीलुसेलुसल्लइमोयइमालुयचउलपलासकरंजपुत्तंजीवपरिट्ठवहेडगहरितगभल्लायउंबरियखीरणिधायईपियालपूइयणिवायगसेण्हयपासियसीसवअयसिपुन्नागनागरुक्खसीवन्नअसोगाणं एएसि णं जे जीवा मूलत्ताए वक्कमंति एवं मूलादीया दस उद्देसगा कायबा निरवसेसं जहा तालवग्गो ॥ वितिओ वग्गो समत्तो॥ २२-२॥ अह भंते ! अत्थियातिंदुयबोरकविठ्ठअंबाडगमाउलिंगबिल्लामलगफणसदाडिमआसत्थउंबरवडणग्गोह
Jain Education International
For Personal & Private Use Only
www.jainelibrary.org
