________________
अणगारे णं भंते ! भावियप्पा केवतियाई पभू केयाघडियाहत्थकिच्चगयाइं रूवाई.विउवित्तए ?, गोयमा से जहानामए-जुवति जुवाणे हत्थेणं हत्थे एवं जहा तइयसए पंचमुद्देसए जाव नो चेव णं संपत्तीए विउविंसु वा विउविंति वा विउविस्संति वा, से जहानामए-केइ पुरिसे हिरन्नपेलं गहाय गच्छेजा एवामेव अणदगारेवि भावियप्पा हिरणपेलहत्थकिच्चगएणं अप्पाणेणं सेसं तं चेव, एवं सुवन्नपेलं एवं रयणपेलं वइरपेलं | वत्थपेलं आभरणपेलं, एवं वियलकिडे मुंबकिडं चम्मकिड्डु कंबलकिडु एवं अयभारं तंबभारं तउयभारं| सीसगभारं हिरन्नभारं सुवन्नभारं वइरभारं, से जहानामए-वग्गुली सिया दोवि पाए उल्लंबिया २ उहृपादाअहोसिरा चिट्ठज्जा एवामेव अणगारेवि भावियप्पा वग्गुलीकिच्चगएणं अप्पाणेणं उड्डे वेहासं, एवं जन्नोव-8 इयवत्तवया भा० जाव विउविस्संति वा, से जहानामए-जलोया सिया उदगंसि कायं उबिहिया २ गच्छेजा एवामेव सेसं जहा वग्गुलीए, से जहाणामए-बीयंबीयगसउणे सिया दोवि पाए समतुरंगेमाणे स०२ गच्छेज्जा एवामेव अणगारे सेसं तं चेव, से जहाणामए-पक्खिविरालिए सिया रुक्खाओ रुक्खं डेवेमाणे गच्छेजा एवामेव अणगारे सेसं तं चेव, से जहानामए-जीवंजीवगसउणे सिया दोवि पाए समतुरंगेमाणे स० २ गच्छेज्जा एवामेव अणगारे सेसं तं चेव, से जहाणामए-हंसे सिया तीराओ तीरं अभिरममाणे २ गच्छेजा एवामेव अणगारे हंसकिचगएणं अप्पाणेणं तं चेव, से जहानामए समुद्दवायसए सिया वीईओ वीइं डेवेमाणे | गच्छेजा एवामेव तहेव, से जहानामए-केइ पुरिसे चक्कं गहाय गच्छेजा एवामेव अणगारेवि भावियप्पा चक्क
For Personal & Private Use Only
www.jainelibrary.org
