________________
व्याख्याप्रज्ञप्तिः अभयदेवीया वृत्तिः २
॥४७४ ॥
| जाव आलोयं वा करेमाणा जय २ सद्दं च पउंजमाणा पुरओ अहाणुपुत्रीए संपट्टिया । तदाणंतरं च णं वहवे उग्गा भोगा जहा उबवाइए जाव महापुरिसवग्गुरपरिक्खित्ता जमालिस्स खत्तियस्स पुरओ व मग्गओ य | पासओ य अहाणुपुवीए संपट्टिया । तए णं से जमालिस्स खत्तियकुमारस्स पिया पहाया कयबलिकम्मा जाव विभूसिए हत्थि खंधवरगए सकोरेंटमल्लदामेणं छत्तेणं धरियमाणेणं सेयवरचामराहिं उदुवमाणे २ हयगयरहपवरजोहकलियाए चाउरंगिणीए सेणाए सद्धिं संपरिवुडे महयाभडचडगर जावपरिक्खित्ते जमालिस्स | खत्तियकुमारस्स पिट्ठओ २ अणुगच्छइ । तए णं तस्स जमालिस्स खत्तियकुमारस्स पुरओ महं आसा आसवरा उभओ पासिं णागा णागवरा पिट्ठओ रहा रहसंगेली । तए णं से जमाली खत्तियकुमारस्स अन्भुग्गयभिंगारे परिग्गहियतालियंटे ऊसवियसेतछत्ते पवीइयसेतचामरवालवीयणीए सविडीए जाव णादितरवेणं । तयाणंतरं च णं बहवे लट्ठिग्गाहा कुंतग्गाहा जाव पुत्थयगाहा जाव वीणगाहा, तयाणंतरं च णं अट्ठसयं गयाणं असयं तुरयाणं अट्ठसयं रहाणं तयाणंतरं च णं लउड असिकोंत हत्थाणं बहूणं पायत्ताणीणं पुरओ संपट्टियं, तयाणंतरं च णं बहवे राईसरतलवरजावसत्थवाहप्पभिइओ पुरओ संपट्टिया जाव णादितरवेणं खत्तियकुंडग्गामं नगरं मज्झंमज्झेणं जेणेव माहणकुंडग्गामे नयरे जेणेव बहुसालए बेइए | जेणेव समणे भगवं महावीरे तेणेव पहारेत्थ गमणाए । तए णं तस्स जमालिस्स खत्तियकुमारस्स खत्तियकुंडग्गामं नगरं मज्झंमज्झेणं निग्गच्छमाणस्स सिंघाडगतियचउक्कजाव पहेसु बहवे अत्थत्थिया जहा उब
Jain Education International
For Personal & Private Use Only
९ शतके उद्देशः ३३ दीक्षायै अनुमतिः
सू ३८४
॥४७४॥
www.jainelibrary.org
