________________
कुमारस्स दाहिणपुरच्छिमेणं एगा वरतरुणी सिंगारागारजाव कलिया चित्तकणगदंडं तालवेंट गहाय चिट्ठति, तए णं तस्स जमालिस्स खत्तियकुमारस्स पिया कोडुंबियपुरिसे सहावेइ को० २त्ता एवं वयासी - खिप्पा - मेव भी देवाणुप्पिया ! सरिसंयं सरितयं सरिघयं सरिसलावन्नरूवजोवणगुणोववेयं एगाभरणं वसणगहियनिज्जोयं कोडुंबियवर तरुण सहस्सं सहावेह, तए णं ते कोडुंबियपुरिसा जाव पडिसुणेत्ता खिप्पामेव सरिसयं सरितयं जाव सहावेंति, तए णं ते कोडुंबिय पुरिसा जमालिस्स खत्तियकुमारस्स पिउणा कोडुंबियपुरिसेहिं सहाविया समाणा हट्टतुट्ठ० पहाया कयबलिकम्मा कयकोउय मंगलपायच्छित्ता एगाभरणवसणगहि| यनिज्जोया जेणेव जमालिस्स खत्तियकुमारस्स पिया तेणेव उवागच्छइ ते० २ त्ता करयलजाव वद्धावेत्ता एवं वयासी - संदिसंतु णं देवाणुप्पिया ! जं अम्हेहिं करणिजं, तए णं से जमालिस्स खत्तियकुमारस्स पिया तं कोडुंबियवर तरुण सहस्संपि एवं वदासी - तुझे णं देवाणुप्पिया ! व्हाया कयबलिकम्मा जाव गहियनि जोगा जमालिरस खत्तियकुमारस्स सीयं परिवहह । तए णं ते कोडुंबियपुरिसा जमालिस्स खत्तिय कुमारस्स जाव पडिसुणेत्ता व्हाया जाव गहियनिज्जोगा जमालिस्स खत्तियकुमारस्स सीयं परिवहंति । तए णं तस्स | जमालिस्स खत्तियकुमारस्स पुरिससहस्सवाहिणीं सीयं दुरूढस्स समाणस्स तप्पढमयाए इमे अट्ठट्ठमंगलगा पुरओ अहाणुपुत्रीए संपट्टिया, तं०- सोत्थिय सिरिवच्छजाव दप्पणा, तदाणंतरं च णं पुन्नकलसभिंगारं जहा | उववाइए जाव गगणतलमणुलिहंती पुरओ अहाणुपुवीए संपट्टिया एवं जहा उववाइए तहेव भाणियां
Jain Education International
For Personal & Private Use Only
www.jainelibrary.org
