________________
TURUNDI
सरिसलावन्नरूवजोवणगुणोववेयाओसरिसएहिंतो अकुलेहितो आणिएल्लियाओ कलाकुसलसवकाललालियसुहोचियाओ मद्दवगुणजुत्तनिउणविणओवयारपंडियवियक्खणाओ मंजुलमियमहुरभणियविहसियविप्पेक्खियगतिविसालचिट्टियविसारदाओअविकलकुलसीलसालिणीओ विसुद्धकुलवंससंताणतंतुवद्धणप्पग(भु)|
भवप्पभाविणीओ मणाणुकूलहियइच्छियाओ अट्ठ तुज्झ गुणवल्लहाओ उत्तमाओ निचं भावाणुत्तरसवंगसुंदरीओ भारियाओ, तं भुंजाहि ताव जाया! एताहिंसादि विउले माणुस्सए कामभोगे, तओपच्छा भुत्तभोगी विसयविगयवोच्छिन्नकोउहल्ले अम्हेहिं कालगएहिं जाव पवइहिसि । तए णं से जमाली खत्तियकुमारे अम्मापियरो एवं वयासी-तहावि णं तं अम्म ! ताओ ! जन्नं तुज्झे मम एवं वयह इमाओ ते जाया विपुलकुलजावपवइहिसि, एवं खलु अम्म ! ताओ! माणुस्सयकामभोगा असुई असासया वंतासवा पित्तासवा खेलासवा मुक्कासवा सोणियासवा उच्चारपासवणखेलसिंघाणगवंतपित्तपूयमुक्कसोणियसमुभवा अमगुन्नदुरूवमुत्तपूइयपुरीसपुन्ना मयगंधुस्सासअसुभनिस्सासा उच्वेयणगा बीभत्था अप्पकालिया लहूसगा कलमलाहिया सदुक्खबहुजणसाहारणा परिकिलेसकिच्छदुक्खसज्झा अबुहजणणिसेविया सदा साहुगरहणिज्जा अणंतसंसारवद्धणा कडगफलविवागा चुडलिच अमुच्चमाणदुक्खाणुबंधिणो सिद्धिगमणविग्घा, से केस णं जाणति अम्मताओ ! के पुचिं गमणयाए के पच्छा गमणयाए?,तं इच्छामि णं अम्मताओ! जाव पवइत्तए। तए | णतं जमालिं खत्तियकुमारं अम्मापियरो एवं वयासी-इमे यते जाया! अजयपजयपिउपजयागए बहु हिरन्ने
Jain Education International
For Personal & Private Use Only
www.jainelibrary.org
