________________
भंडकरंडगसमाणे मा णं सीयं मां णं उण्हं मा णं खुहा मा णं पिवासा मा णं चोरा मा णं वाला मा णं | दंसा मा णं मसगा मा णं वाइयपित्तियसंभियसंनिवाइयविविहा रोगायका परीसहोवसग्गा फुसंतुतिकट्टु एस मे नित्थारिए समाणे परलोयस्स हियाए सुहाए खमाए नीसेसाए अणुगामियत्ताए भविस्सह, तं इच्छामि णं देवाणुप्पिया ! सयमेव मुंडावियं सयमेव सेहावियं सयमेव सिक्खावियं सयमेव आयारगोयरं विणय वेणइय चरणकरणजायामायावत्तियं धम्ममाइक्खिअं । तए णं समणे भगवं महावीरे खंदयं कच्चायणस्सगोत्तं सयमेव पव्वावेइ जाव धम्ममातिक्खड़, एवं देवाणुप्पिया ! गंतव्वं एवं चिट्ठियव्वं एवं निसीतियव्वं एवं तुयहियव्वं एवं भुंजियव्वं एवं भासियब्वं एवं उट्ठाए पाणेहिं भूएहिं जीवेहिं सत्तेहिं संजमेणं संजमियव्वं, अस्सि च णं अट्ठे णो किंचिवि पमाइयच्वं । तए णं से खंदए कच्चायणस्सगोत्ते समणस्स भगवओ महावीरस्स इमं एयारूवं धम्मियं उवएसं सम्मं संपडिवज्जति तमाणाए तह गच्छइ तह चिट्ठह तह निसीयति तह तुयहइ तह भुंजइ तह भासह तह उट्ठाए २ पाणेहिं भूएहिं जीवेहिं सत्तेहिं संजमेणं संजमियव्यमिति, अस्सि च णं अट्ठे णो पमायइ । तए णं से खंदए कच्चाय० अणगारे जाते ईरियासमिए भासा - | समिए एसणासमिए आयाणभंडमत्तनिक्खेवणासमिए उच्चारपासवणखेलसिंघाणजल्लपारिट्ठावणियासमिए मणसमिए वयसमिए कायसमिए मणगुत्ते वइगुत्ते कायगुते गुत्ते गुतिदिए गुत्तबंभयारी चाई लज्जू घण्णे
Jain Education International
For Personal & Private Use Only
www.jainelibrary.org
