________________
तित्ता (स्था) तए णं से कण्हे अम्हे एवं वयासि-गच्छह णं तुम्भे देवा! गंगामहाणदिं उत्तरह जाव चिट्ठह ताव अहं एवं तहेव जाव चिट्ठामो, तते णं से कण्हे वासुदेवे सुट्टियं लवणाहिवई दढुण तं चेव सवं नवरं कण्हस्स चिंताण जुन्ज (बुच्च) तिजाव अम्हे णिविसए आणवेति, तए णं से पंडुराया ते पंच पंडवे एवं व०-दुहुणं पुत्ता ! कयं कण्हस्स वासुदेवस्स विप्पियं करेमाणेहिं, तते णं से पंडू राया कोंति देविं सद्दावेति २ एवं व०-गच्छ णं तुम देवा ! बारवति कण्हस्स वासु.णिवेदेहि-एवं खलु देवा ! तुम्हे पंच पंडवा णिविसया आणत्ता तुमं च णं देवा! दाहिणड्डभरहस्स सामी तं संदिसंतु णं देवा! ते पंच पंडवा कयरं दिसि वा विदिसं वा गच्छंतु ?, तते णं सा कोंती पंडुणा एवं वुत्ता समाणी हत्थिखंचं दुरूहति २ जहा हेट्टा जाव संदिसंतु णं पिउत्था! किमागमणपओयणं, तते णं सा कोंती कण्हं वासुदेवं एवं व०-एवं खलु पुत्ता! तुमे पंच पंडवा णिविसया आणत्ता तुमंच णंदाहिणड्डभरह जाव वि दिसं वा० गच्छंतु ?, तते णं से कण्हे वासुदेवे कोंतिं देवि एवं व०-अपूईवयणाणं पिउत्था ! उत्तमपुरिसा वासुदेवा बलदेवा चक्कवट्टी तं गच्छंतु णं देवाणु ! पंच पंडवा दाहिणिल्लं वेयालिं तत्थ पंडुमहुरं णिवेसंतु ममं अदिवसेवगा भवंतुत्तिकट्ठ कोंति देविं सक्कारेति सम्माणेति जाव पडिविसजेति, तते णं सा कोंती देवी जाव पंडुस्स एयमहूं णिवेदेति, तते णं पंडू पंच पंडवे सद्दावेति २ एवं व०-गच्छह णं तुब्भे पुत्ता! दाहिणिलं वेयालिं तत्थ णं तुम्भे पंडुमहुरं णिवेसेह, तते णं पंच पंडवा पंडस्स रपणो जाव
Jain Education International
For Personal & Private Use Only
www.jainelibrary.org
