________________
.एवं भासति-धिरत्थु णं नागसिरीए माहणीए जाव जीवियाओ ववरोविते, तते णं ते माहणा चंपाए नयरीए बहुजणस्स अंतिए एतमढे सोचानिसम्म आसुरुत्ता जाव मिसिमिसेमाणा जेणेव नागसिरी माहणी तेणेव उवागच्छंति २णागसिरी माहणी एवं वदासी-हं भो ! नागसिरी! अपत्थियपत्थिए दुरंतपंतलक्खणे हीणपुण्णचाउद्दसे धिरत्थु णं तव अधन्नाए अपुन्नाए जाव णिबोलियाते जाए णं तुमे तहारूवे साह साहुरूवे मासखमणपारणगंसि सालतिएणं जाव ववरोविते,उच्चावएहिं अकोसणाहिं अकोसंति उच्चावयाहिं उद्धंसणाहिं उद्धंसेंति उच्चावयाहिं णिन्भत्थणाहिं णिन्भत्थंति उच्चावयाहिं णिच्छोडणाहिं निच्छोडेंति तब्जेति तालेति तज्जेत्ता तालेत्ता सयातो गिहातोनिच्छुभंति,ततेणं सानागसिरी सयातो गिहातो निच्छुढा समाणी चंपाए नगरीए सिंघाडगतियचउक्कचच्चरचउम्मुहबहुजणेणं हीलिजमाणी खिंसिज्जमाणी निंदिनमाणीगरहिजमाणी तजिजमाणी पवहिज्जमाणी धिक्कारिजमाणी थुक्कारिजमाणी कत्थइ ठाणं वा निलयं वा अलभमाणी २ दंडीखंडनिवसणा खंडमल्लयखंडघडगहत्थगया फुहहडाहडसीसा मच्छियाचडगरेणं अन्निजमाणमग्गा गेहंगेहेणं देहबलियाए वित्तिं कप्पेमाणी विहरति, तते णं तीसे नागसिरीए माहणीए तब्भवंसि चेव सोलस रोयायंका पाउब्भूया, तंजहा-सासे कासे जोणिसूले जाव कोढे, तए णं सा नागसिरी माहणी सोलसहिं रोयायंकेहिं अभिभूता समाणी अदुहवसहा कालमासे कालं किच्चा छट्ठीए पुढवीए उक्कोसेणं बावीससागरोवमद्वितीएम नरएसु नेरइयत्ताते उववन्ना, सा णं तओऽणंतरंसि
Jain Education International
For Personal & Private Use Only
www.jainelibrary.org
