________________
ज्ञाताधर्मकथाङ्गम्.
८मल्लीज्ञाते मिथिलायामङ्गच्छायनृपागमःसू.
॥१३२॥
सहिआणं इमे एयारूवे मिहो कहासंलावे समुप्पजित्था-सेयं खलु अम्हं गणिमं धरिमं च मेज च पारिच्छेजं च भंडगं गहाय लवणसमुद्दपोतवहणेण ओगाहित्तएत्तिकट्ठ अन्नमन्नं एयमढे पडिसुणेति २ गणिमं च ४ गेण्हंति २ सगडिसागडियं च सजेंति २ गणिमस्स ४ भंडगस्स सगडसागडियं भरेंति २ सोहणंसि तिहिकरणनक्खत्तमुहत्तंसि विपुलं असण ४ उवक्खडावेंति मित्तणाइभोअणवेलाए भुंजावेति जाव आपुच्छंति २ सगडिसागडियं जोयंति २ चंपाए नयरीए मज्झमज्झेणं जेणेव गंभीरए पोयपदृणे तेणेव उवा०२ सगडिसागडियं मोयंति २ पोयवहणं सज्जेंति २ गणिमस्स य जाव चउविहस्स भंडगस्स भरेंति तंदुलाण य समितस्स य तेल्लयस्स य गुलस्स य घयस्स य गोरसस्स य उदयस्स य उदयभायणाण य ओसहाण य भेसज्जाण य तणस्स य कट्ठस्स य आवरणाण य पहरणाण य अन्नेसिं च बहूणं पोयवहणपाउग्गाणं दवाणं पोतवहणं भरेंति, सोहणंसि तिहिकरणनक्खत्तमुहुत्तंसि विपुलं असण ४ उवक्खडावेंति २मित्तणाति आपुच्छंति २ जेणेव पोतहाणे तेणेव उवागच्छति । तते णं तेसिं अरहन्नग जाव वाणियगाणं परियणो जाव तारिसेहिं वग्गू हिं अभिणंदंता य अभिसंथुणमाणा य एवं वदासी-अज ताय भाय माउल भाइणजे भगवता समुद्देणं अनभिखिज्जमाणा २. चिरं जीवह भदं च भे पुणरवि लद्धट्टे कयकजे अणहसमग्गे नियगं घरं हवमागए पासामोत्तिकट्ट ताहिं सप्पिवासाहिं पप्पुयाहिं दिट्ठीहिं निरीक्खमाणा मुहत्तमत्तं संचिट्ठति तओ समाणिएसु
| ॥१३॥
Jain Education International
For Personal & Private Use Only
www.jainelibrary.org
