________________
ज्ञाताधर्म
कथानम्
उत्क्षिप्त ज्ञाते मेघस्य रा. | ज्याभिषे. कदीक्षे सू.
२४
साडएणं अग्गकेसे पडिच्छति २ सुरभिणा गंधोदएणं पक्खालेति २ सरसेणं गोसीसचंदणेणं चच्चाआ दलयति २ सेयाए पोतीए बंधेति २ रयणसमुग्गयंसि पक्खिवति २ मंजूसाए पक्खिवति २ हारवारिधारसिंदुवारछिन्नमुत्तावलिपगासाई अंसूई विणिम्मुयमाणी २ रोयमाणी २ कंदमाणी २ विलवमाणी २ एवं वदासी-एस णं अम्हं मेहस्स कुमारस्स अन्भुदएसु य उस्सवेसु य पव्वेसु य तिहीसु य छणेसु य जन्नेसु य पवणीसु य अपच्छिमे दरिसणे भविस्सइत्तिकट्ठ उस्सीसामूले ठवेति, तते णं तस्स मेहस्स कुमारस्स अम्मापितरो उत्तरावक्कमणं सीहासणं रयाति मेहं कुमारं दोचंपि तचंपि सेयपीयएहिं कलसेहिं पहावेंति २ पम्हलसुकुमालाए गंधकासाइयाए गायातिं लूहेंति २ सरसेणं गोसीसचंदणेणं गायाति अणुलिंपति २ नासानीसासवायवोझं जाव हंसलकखणं पडगसाडगं नियंसेंति २ हारं पिणद्धंति २ अद्भहारं पिणद्धति २ एगावलिं मुत्तावलिं कणगावलिं रयणावलिं पालंबं पायपलंबं कडगाइं तुडिगाई केउरातिं अंगयातिं दसमुद्दियार्णतयं कडिसुत्तयं कुंडलातिं चूडामणिं रयणुक्कडं मउ पिणद्धति २ दिवं सुमणदाम पिणद्धति २ दहरमलयसुगंधिए गंधे पिणद्धति, तते णं तं मेहं कुमारं गंठिमवेढिमपूरिमसंघाइमेण चउबिहेणं मल्लेणं कप्परुक्खगंपिव अलंकितविभूसियं करेंति, ततेणं से सेणिए राया कोडुंबियपुरि से सद्दावेति २ एवं वयासी-खिप्पामेव भो देवाणुप्पिया! अणेगखंभसयसन्निविटुं लीलट्ठियसालभंजियागं इंहामिगउसभतुरयनरमगरविहगवालगकिन्नररुरुसरभचमरकुंजरवणलयपउमलयभत्तिचित्तं घंटा
॥५३॥
Jain Education International
For Personal & Private Use Only
www.jainelibrary.org
