Page Text
________________
नवपद
वृत्ति: मू. देव. वृ. यशो
॥२९॥
एसो छट्टाओ पारणं कुणइ ॥ २८॥ पत्तो चउत्थादियहे पुट्ठो कि नागओऽसि दुण्णि दिणे ? । सो तुष्हिक्को अच्छइ छट्टतवोत्ती कलह सेट्ठी ॥ २९ ॥ जओ भणिय- "छण्णो धम्मो पयडं च पोरुसं च परकलत्तपरिहरणं । गंजणरहिओ जम्मो राढाताण निव्वहइ ॥ ३०॥ " एवं च तवगुणेणं स रंजिओ देइ तस्स आहारं । सुसिणिद्धाइगुणजुयं पारणगदिमि तुट्ठमणो ||३१|| तदुवट्टंभवसेण य बहुबहुयरअउववासकरणाओ । जाओ मासुववासी कमेण सो इंदनागमुणी ॥ ३२॥ भणइ य तं सिद्धत्थो न जाव नयरं मुणे ! तुमं पत्तो । ताव न पारणगठा अन्नावासमि गंतव्वं ॥३३॥ जं किंपि तुज्झ जोयं ओसहभेसज्जपेज्जाई । अम्हाणवि आवासे होही तं जेण अविगप्पं ||३४|| लोओऽवि तस्स पणओ तग्गुणरागेण रंजिओ य दढं । तं चिय गुणियं पेच्छइ, लेइ न नामपि अन्नस्स ||३५|| अण्णे भण्णंति एसेगपिंडिओ तेण तं खु अट्ठपयं । लद्धं जेण निमंतितस्सवि गेण्हइ नऽन्नस्स || ३६ || पत्ता य कमेण पुरं सत्थाहेणावि नियगिहं चेव । काराविओ मढो से तेणवि मुंडावियं सीसं ||३७|| कासायचीवरधरो विक्खाओ तंमि सो पुरे जाओ । दिज्जंतंपि न इच्छइ आहारं सेट्टिणा पच्छा ||३८|| पारणगदिणे लोगो नियनियगेहंमि कुणइ आढत्ति । तस्सट्टा एसो उणं एगगिहे पारिडं वलइ ||३९|| जाणइ न सेसलोओ कस्सवि गेहमि पारियं इमिणा । गहियाहारो चिइ पडिवालंतो नियगिहसु ॥४०॥ तो सेसजाणणट्टा मिलिऊण परोप्परं नयरलोओ । कुणइ इमं संकेय भत्तिपरो इंदणामि ॥ ४१ ॥ कस्सवि जस्त परिच्छ आहारो मुणिवरो इमो तेणं । लोयस्स जाणणट्ठा भेरी ताडावियव्वत्ति ॥ ४२ ॥ वित्ते पारणयंमी जेण जणो नियनियेसु कज्जेसु । लग्गइ एवं वच्चइ कालो अह अण्णा तत्थ ||४३|| विहरंतो पुरपट्टणगामागरनगरमंडियं वसुहं । सिरिवद्धमाणसामी समोसढो गुणसिलुजाणे || ४४|| सुत्तत्थपोरिसीए उवरिं भिक्खाइ नीहरंतो य । गोयमसामी रुद्धो वीरेण असणं भणिउं ॥ ४५ ॥ पुट्ठो य गोयमेणं सामी ! किमोसणानिमित्तंति ?। सामीवि भणइ गोयम ! पारणगं इंदनागस्स || ४६ || सव्वोऽवि जणो इण्हि वट्टइ तक्कज्जआउलत्तेणं । जेण पमत्तो सो उण दितोऽवि अणेसणं कुणइ ॥ ४७॥ खणमेत्तंमि गयंमा पुणोऽवि भणियं समोयरह इण्हिं । भिक्खत्थं तं च मुणि, एवं दट्टं भणेज्जाहि ॥ ४८ ॥ भो ! भो ! अणेगपिंडिय ! इच्छइ तं एगपिंडिओ ट्टं । इच्छंति पभणऊणं नीहरिओ गोयममुणीवि ॥ ४९ ॥ वच्चंतेण य इत्तो दिट्ठो भणिओवि तं तओ रुट्ठो । कहमहमणेगपिंडो एक्कगिहे चेव गिण्हंतो ॥५०॥ एएव्व अहं नो खलु गिहे गिहे परियडामि भिक्खत्थं । उवसंतो य खणेणं चिंतइ हुं होमि जह भणिओ || ५१|| जम्हा मह पारणए लोगोऽणेगाइ कुणइ पिंडाई । एए अकयमकारियपिंडं गिण्हंति वरमुणिणो ॥ ५२ ॥ ताऽगपिंडिओऽहं एए पुण एगपिंडिया
For Personal & Private Use Only
Jain EducaЯternational
।।।२९ ॥
www.jainelibrary.org
| SR No. | 600202 |
| Book Title | Navpad Prakaranam |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | 1998 |
| Total Pages | 334 |
| Language | Sanskrit |
| Classification | Manuscript |
| File Size | 8 MB |