Page Text
________________
नवपद- वत्तिम.देव.
गुणे शंखकथानकं
वृ. यशो KA
॥२५२।।
इंदियनिग्गहणे च्चिय ता जइयव्वं जयत्थीहिं ।।१८।। इंदियवसगा पुरिसा वसवत्ती होति सयललोयस्स । आसापासऽववद्धा सहति तहऽणेगदुक्खाई शान ।१९।। कइयावि इट्ठजोगे जंपि सुहं तंपि विसयतिसियाणं । न जणइ तत्तिं पउरंति सुमिणसंजणियसंगं व ।।२०।। इय रिद्धीणं बुज्झियमसारयं तहय विसयसोक्खस्स । मोत्तूण इमे जुत्तं करेह ता धम्मपुरिसत्थे ।।२१।। एवं निसामिऊणं भयवओ वयणं संबुद्धा बहवे पाणिणो, पडिवण्णा केहिवि | सव्वधिरई, अण्णेहि पुण देससंजमो, अवरेहि सम्मत्तंति, ततो वंदिऊण भयवंतं समुट्ठिया परिसा, तेवि संखसयगसावगा सोऊण तित्थयरदेसणं तुट्ठमाणसा परमभत्तीए अभिवंदिऊण जिणं जहागयं पडिगया, तंमि य दिणे पक्खियपडिकमणं साहूणं, तओ संखेण सयगाइसम्मुहं संलनं, जहा अज्ज साहूणं पक्खियं, परं अम्हेहिं पोसहवयं न गहियं, तेण विउलं असणपाणखाइमसाइमं करावेऊण तुब्भेहिं चेव सह अज्ज भोयणं कायव्वं, ततो सयगेण भणियं-जइ एवं ता मम चेव गेहे तुब्भे एह जेण अहमेव साहम्मियवच्छल्लं करेमि; पडिवण्णं संखेण, गया सयं सयमावासं, गंतूण सयगेण गिहं कारियं अट्ठारसवंजणाउलं अणेयभक्खभोज्जपेयतांबूलसज्जसंजुयं सुविउलमाहारजायं, संखोऽवि निययावासमणुपत्तो चिंतेइ-नेयं सुंदरं कयं, जं मए सयगस्स पुरओ तग्गिहे भोयणमब्भुवगयं, जओ अज्ज पक्खसंधी एयंमि य दिणे अण्णयावि अम्हे पोसहकरणपुव्वं पोसहसालाए चिट्ठामो, ता अज्जंपि मए सविसेस धम्माणुट्ठाणपरेण एगागिणा गहियपोसहेण पोसहसालाए ठायव्, ततो पुच्छिया उप्पला, तीएवि भणियं-सामि ! इमं चेव जुत्तं, तओ सो उम्मुक्कमणिसुवण्णवत्थालंकाराइवित्थरो गओ पोसहसालं, पडिवज्जिऊण चउव्विहं सव्वपोसहं चिट्ठइ पसत्थज्झाणोवगओ । इओ य सयगो भोयणसमए जाए जाव न पासइ समागयं संखं तस्सेव गिहं पत्तो ताव तओ उप्पालं भणइ-सुस्साविए ! कहिं गओ संखो ?, तीए भणियंपोसहसालाए, तओ सोऽवि पत्तो तहिं, दिट्ठो मुणिव्व पसत्थज्झाणोवगओ संखो, पविट्ठो निसीहियापुरस्सरं पडिक्कमणं इरियावहियं आलोइय गमणागमणाए निमंतेइ वंदिऊण, जहा एह तुब्भे अइक्कमेइ भोयणवेला, तओ संखेण भणियं-न मे कप्पइ अज्ज एवं काउं पडिवण्णसव्वपोसहस्स, तओ नाऊण तव्वइयरं गओ इमो सगिह, समं अण्णेहिं साहम्मिएहि भुत्तो भोयणं, संखस्स विचित्तधम्मवावारपरायणस्सऽइक्कंतो वासरो, एत्यंतरंमि अस्थगिरिसिहरावलंबी संवुत्तो दिवसयरो, तओ कि होइउं पवत्तं भुयणे?, अविय-अलिणो निबद्धराया मोत्तुं मउलंतकमलसंडाई । वच्चंति वियसिय कुमुयमहव मलिणा न थिरपेम्मा ॥१॥ अरयं व सप्पहे दप्पणेव्व दिठि खिवंति रविबिंबे । वल्लहघरूसुयाओ कयसिंगाराओ तरुणीओ ।।२।। अरुणरविकिरणरंजियगिरिसिहराई समुण्णयाइ तहा। उत्तत्तकणयमइयाइं मेरुसिंगाई व सहति ।।३।। आसन्नविरहसंकारविहुत्तनिहित्तनयणवत्ताई । जायाई
॥२५२॥
Jain Educxxernational
For Personal & Private Use Only
wilMasbrary.org
| SR No. | 600202 |
| Book Title | Navpad Prakaranam |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | 1998 |
| Total Pages | 334 |
| Language | Sanskrit |
| Classification | Manuscript |
| File Size | 8 MB |