Page Text
________________
नवपद
वसुमित्रा दृष्टान्तः
वृ. यशो ॥१८२॥
साहुणिपासंमि गया पच्चक्खाणं करिति वंदित्ता । उवविट्ठा धम्मकहं तओ य निसुणंति भावेण ॥१शा एत्थंतरंमि परिणयधम्मकहा कम्मखयउवसमेणं । भणइ तहिं वसुमित्ता मज्झवि धम्मो इमो होउ ।।१२।। भयवइ ! एत्तो पभिई तो भणिया साहुणीए सा एवं । कहिओ न होइ धम्मो मणपरिणामं विणा सुयणु ! ॥१३। ता जइ तुह जिणधम्मो रमिओ चित्तंमि एस मइ कहिओ। ता पडिवज्जसु अरिहंत देवयं साहुणो गुरुणो ।।१४|| अब्भुट्टिऊण तो सा, विणएणं अंजलि करिय सीसे। पडिवज्जइ जं भणियं परिहरइ य मंसनिसिभत्ते ॥१५।। जयसिरिमाईयाओ पडिवज्जियऽणुब्बयाई पंचावि । वंदणपुव्वं सगिह चलियाओ सावि ताहि समं ।१६।। नीहरिऊणं तत्तो पत्ता पिउभवणमण्णया तीसे । ससुरकुलाओ मोयावणत्थमेत्थागओ पुरिसो ॥१७।। आभासियाओ सवयंसियाओ अणुमण्णिया तओ ताहिं । वद्धणउरंमि पत्ता ससुरकुले तत्थ चिट्टइ य ॥१८॥ नियममणुपालयंती अण्णदिणे पभणिया ससुरएणं । पुत्ति ! न कुलकमो अम्ह एस निसिभत्तचाओ जं ॥१९॥ मंसस्सवि परिहारो न जुज्जए जेण वेयविहियं खु । जमणुट्ठाणं तं चिय वच्छे ! अम्हाण कुलधम्मो ।।२०।। वसुमित्ताए भणियं हिंसा वेए विवज्जिया ताय ! । हिंसाए विणा न य मंसभक्खणं जायइ जियाणं ।।२१।। जेसिपि न सयंकरणं तेसिंपि करावणं हवइ नियमा । मंसासणंमि हिंसाए अणुमई को व वारेइ ? ॥२२॥ रयणीभोयणचाओ कुलक्कमो नऽम्ह जं च तमलीयं । जम्हा तुम्ह न पियरो निसाए पिंडं पडिच्छंति ।।२३।। इय वुत्ते रुसिऊणं ससुरो पडिभणइ आ महापावे ! । इय दुब्बियद्धयाए मएवि सह कुणसि तं वायं ।।२४।। ता कि उत्तरपडिउत्तरेहि | जइ सासुरेण ते कज्जं । ता मुंच वायमेवं अण्णह कज्जं न चेव तए ।।२५।। तो तीएं चितियं जइ एवं चिय जामि पेइयं सहसा । ता कुललंछण गरुई, | तम्होवायंतरेण इमे ॥२६।। तत्थेव नेमि इय चिंतिऊण पडिभणइ ताय ! जइ एवं । तुब्भेऽवि एह तहियं जत्थ निवित्ती मए गहिया ।।२७।। तुम्ह समक्खं एयं जेण विवज्जेमि मण्णिए तेण । सासू ससुरो सुण्हा, चलिया उज्जेणिहुत्तं ते ॥२८॥ वसुमित्ताभत्तारेण चिंतिय विस्सभूइणा एवं । जुत्तमिणं भणइ इमा ता जंतु इतोऽवि कहवि गुणो ।।२९।। जीयहरणंमि गामे संपत्ताऽईपओससमयमि । माहवदिएण दि8 नीयाई निययगेहमि ॥३०॥ काराविऊण मज्जणमह तेसिं चेव भोयणनिमित्तं । आढत्ते ओयणमाइ रसवईवित्थरे तत्थ ॥३१।। भवियव्यावसेणं कढिज्जमाणमि तीमणे सहसा । नोवेहितो सप्पो, पहाविओ उर्दुरस्सुवरि ॥३२॥ फिडिओ कहिपि पडिओ, खंडाखंड कओ य डोएण। एत्थतरंमि माहवभट्टेणं पाहुणा भणिया ।।३३।। एह उवविसह भुंजह वसुमित्ता सच्चरित्त नो एइ । भोत्तुं सासू ससुरा तओ ठिया परियणो जिमिओ ॥३४|| अह विसभावियतीमणभोयणकरणेण तो स पंचत्तं । पत्तो पगे य दिटुं थालीए तीएँ अहिखण्डं ॥३५।। सासूससुराण तओ वसुमित्ता उवरि जाओ बहुमाणो । जीयहरणाओ पच्छा विणिग्गया दसपुरं पत्ता ।।३६।। तम्मि पुरि बउँलदत्तोत्ति
॥१८२॥
Jain Education remational
For Persona
Private Use Only
www.nibrary
| SR No. | 600202 |
| Book Title | Navpad Prakaranam |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | 1998 |
| Total Pages | 334 |
| Language | Sanskrit |
| Classification | Manuscript |
| File Size | 8 MB |