________________
पाइअविन्नाणकहाण
रायपुत्ताणं कहा-७०
॥६॥
लहुरायकुमारो पहुजम्ममइसर्व संपुण्णं किच्चा रायपासायम्मि आगमणाय बच्चतो खलंतपाओ सो तत्थ पडिओ। तइआ तहिं मालागारेण पुप्फकरंडगो पुव्वं दुविओ होत्था। तत्थ पुप्फाणं गुच्छमज्झम्मि एगा सूई तस्स कुमारस्स पायम्मि पविट्ठा, तओ सो पायपीलाबाहिओ कद्रेणं सूई निक्कासिऊण सत्थो जाओ। पच्चूससमयम्मि सत्थत्तणं पत्तो नरबई दोण्णि कुमारे विग्घरहिए पासित्ता तं जोइसि आहबिऊण जम्मकुंडलीए फलं विसमत्तणकारणं पुच्छित्था । रायनेमित्तिओ कहेइ-जम्मकुंडलीए निदेसो फुडो अस्थि । परंतु एसो मणुअजम्मो कम्मभूमी अस्थि । पुन्वभवकयसुहासुहेण कम्मेण इह भवम्मि फलं भुजिज्जइ, किंतु इह सत्तवसणाइपाव पउत्तीए सुहं कम्मं झिज्जइ, सद्धम्मकम्मुणा उदयं समागच्छंतं असुहकम्मं पि खयं पावेइ । जेण
पुव्वभवासुहं कम्म, झिज्जइ सुहकम्मुणा । एवं हि सुकयं कम्मं, झिज्जइ पावकम्मुणा ॥१॥ अओ लहुकुमारस्स सूलीबद्धं असुहं कम्मं सद्धम्मकज्जेण अप्पाए सूइदुक्खवेयणाए बवगयं । जिट्ठबंधुणो चक्कवट्टिपयलाहरूवं सुहं कम्मं दुरायारपउत्तीए खीणं संजायं। जओ अवसेस सुकम्मेण दुण्णि सुवण्णदीणारा लद्धा । एवं दुण्हं रायकुमाराणं सुहासुहकम्मफलाणं निष्फलभावम्मि दिदंतं सोचा सया असुहकम्मनिवारणसमत्थम्मि धम्मम्मि तह य पवित्तायारम्मि पयट्टियव्वं ति । उबएसोदुण्हं रायकुमाराणं, कम्मं नच्चा सुहासुहं । कल्लाणकारणे धम्मे, जत्तं कुणेह सव्वया ॥७०॥
सुहासुहकम्मम्मि दुहं रायपुत्ताणं कहा सत्तिरयमी समत्ता ॥७॥
॥६॥
Jain Education international
For Personal Private Use Only
www.jainelibrary.org
