________________
पाइअविन्नाणकहाण
सच्चवेरग्गम्मि गुरुसीसाणं कहा-७१
|
॥६
॥
सच्चवेरग्गम्मि गुरुसीसाणं एग्गहत्तरियमा कहा ॥ ७१ ॥ सच्चवेरग्गसंजुत्ता, रज्जति ते न कत्थइ । गुरुसीसाणं दिटुंतो, णायव्वो इह बोहगो ॥७॥
विसुद्धवेरग्गरंजियसीससहिओ एगो गुरू विहरमाणो अडवीमज्झम्मि समागओ । तया अग्गओ गच्छंतो गुरू भूमीए उवरिं पडिय रयणमणिमंडियं सुवण्णभूसणं दळूणं वियारेइ-सीसो पच्छा आगच्छेइ, जइ सो एयं पासेज्जा तइया गहणाभिलासो अस्स होही, तओ इमं आभूसणं धूलीए ढक्केमि एवं चिंतिऊण तस्सुवरि धूलि पक्खिवेइ । तया सीसो वि तत्थ समागच्छंतो धूलिं पक्खिवंतं तं पासिऊण पुच्छेइ-भंते ! धूलीपक्खेवणेण किं ढक्केसि ? पुव्वं तु गुरू न वएइ, किंतु सीसस्स अईव निबंधेण तेण कहियं-मग्गम्मि कासइ भूसणं पडियं, तं पासित्ता तुम्ह मोहो न जायए तेण मए धूलिए एयं ढक्कियं । सीसो साहेइ-धूलीए उवरिं धूलीपक्खेवणेण किं ? । एवं सोचा संजायच्छेरो गुरू वियारेइ- ममत्तो मम सीसो अहिगवेरग्गवासियचित्तो अत्थि, जेण मम भूसणम्मि भूसणदिट्ठी अस्थि, अस्स उ भूसणम्मि धूलीसरिसदिट्ठी होइ । महप्पाणो मणिम्मि लेझुम्मि य समचित्ता हुविरे । एवं वियारिऊण सो वि समचित्तो सब्बत्थ संजाओ। एवं अप्पकल्लाणकंखिरेहिं सव्वेहिं पोग्गलिय-वत्थूसुं समचित्तेहिं होयव्वं ।। उवएसोनायगं गुरुसीसाणं, समभावेण भूसियं । नच्चा तुम्हे वि सव्वत्थ, समचित्ता हवेह भो ! ॥७॥
सच्चवेरग्गम्मि गुरुसीसाणं एगहत्तरियमी कहा समत्ता ॥ ७१॥
॥१॥
Jain Education
For Personal Private Use Only
wow.jainerbrary.org
