________________
पाइअविनाणकहाण
उवएसो
मरुदेवाए नायं, संसारासारभावदसणयं । नच्चा भविया तुम्हे, धरेह चित्ते सया एयं ॥९८॥ भावविसद्धीए सिरिउसहजिणीसरजणणीमरुदेवाए अट्ठाणउइयमी कहा समत्ता ॥९८॥
-उवएसमालाए ।
कणयकेउनरिंदस्स कहा-९९
॥१२४॥
रज्जलोहेण पुत्ताणं पि विडंबणाविहायगस्स कणयकेउनरिंदस्स नवनउइयमी कहा-॥२९॥
रज्जे मूढो जीवो, छिंदइ पुत्ताण अंगुवंगाई । इह कणयकेउनरवइ-नियंसणं बोहदाणटुं ॥१९॥
तेयलिपुरंमि कणयकेऊ नाम नरवई होत्था । तस्स पउमावई नाम पट्टदेवी आसि । तस्स तेयलिपुत्तनामो मंती, तस्स पोट्टिला नाम पिया अहेसि । सा अईव वल्लहा अस्थि । अह रज्जसुहं भुंजमाणस्स कणयकेउस्स पुत्तो जाओ, तया राया चिंतेइ-इमो पुत्तो वढंतो समाणो मईयं रज्जं गिहिस्सइ त्ति भएण सो तस्स हत्थच्छेयं कासी । कमेण बीओ पुत्तो उप्पण्णो, तस्स पायच्छेयं विहेइ, एयाए रीईए कासई अंगुलिच्छेयं, कस्सइ नक्कच्छेयं, कस्सइ कासइ कण्णच्छेयं नयणच्छेयं च कासी । एवं सव्वे वि पुत्ता तेण खंडियंगा रज्जाहिगाररहिया कया । एवं बहुकालंमि गए पुणो वि पउमावई देवी सुहसुमिणसूइअं गभं धरित्था । तइया मंतिभज्जाए पोट्टिलाए वि गब्भो धरिओ । तइया मंतिं आगारिऊणं पउमाबईदेवीए साहियं-'मए सुहसुमिणसूइओ गब्भो धरिओ अस्थि, अओ जम्मसमए सो भवया पच्छन्नभावेण पालणीओ, जहा सो रज्जाहिगारी होज्जा । भवओ वि सो सहेज्जगरो होहिई' त्ति
॥१२४॥
Jain Education
For Persona
Private Use Only
www.jainelibrary.org
