________________
सुगस्स कहा-९१
पाइअविन्नाणकहाप
॥१०॥
बहुधणं लहेइ । सो सेट्ठी कुपत्तणेण वेसाए किं पि न अप्पेइ । तइया लोगेहिं वुत्तं-तुं सेट्ठिणो पासाओ किं धणं न गिण्हेसि ?। एगया नरिंदे तुटे वेसाए वुत्तं-मम अज्ज सुमिणम्मि सेट्रिणा लक्खदव्वं माणियं तं च अप्पावेहि । तओ रण्णा वुत्त सेट्टि ! सुमिणम्मि माणियं दव्वं वेसाए देहि। तओ सो सेट्ठी 'किं कुणेमि' त्ति कसिणमुहो गिहं आगओ । साममुहं सेट्रिं पासिऊण सुगो वएइ 'कहं अज्ज तुव साममुहं ?' । सेट्रिणा वेसाए वयणे वुत्ते समाणे सुगेण साहियंएग रयणं दप्पणस्स उवरि धरिऊणं वेसाए अग्गओ निवम्मि पासंतम्मि कहियवं आयंसगमज्झम्मि ठियं रयणं गिण्हेहि, एवं कयम्मि जया सा वएइ–'इमं कहं गिहिज्जए' तइया तुमए कहियव्वं-सुमिणसरिसं इमं रयणं । सेद्विणा तहा कयम्मि वेसा जिया । वेसाए 'सुगस्स बुद्धीए अहं जिया' इअ वियाणियं । एगया सेद्विसमीवाओ कीडणटुं दासिं पेसिऊणं मग्गावित्ता सुगो गहिओ । तम्मि रुटा सा सुगस्स पक्खे छिंदित्ता दासीए अग्गओ बयासी-अयं सुगो भोयणटुं रंघियब्बो त्ति वोत्तणं कज्जत्थं अन्नत्थ गया । सुगो नस्सिऊणं खालम्मि पविट्ठो । दासीए सुगे नढे अवरं मंसं रंधियं । सा वेसा भोयणसमये सुगमसबुद्धीए तं मंसं भुंजती वयासी-'भो सुग ! जं तुमए सेट्रिणो बुद्धिदाणेण मम धणं निग्गमियं । तम्हा तुम्ह कयफलं चिय पासाहि' । तओ तीए वयणं खालसंठिओ सुगो सुणतो छण्णं आसी । मरणाओ भीओ सुगो खालगय अन्नं खायंतो कमेण जायपक्खो उड्डेऊण वनम्मि गओ। एगया वेसा विण्हुमंदिरम्मि नच्चिउं समागया। सुगो उ विण्हुपिट्ठीए ठाइऊणं वयासी-अहो ! वेसे अहं विण्हुदेवो तुम्ह उवरिं तुद्रो, वरं मग्गसु अन्नं च मत्थयं मुंडाविऊणं लोगसमुदायसहिया नच्चंती इहयं आगच्छिहिसि, तइया अहं तुमं वेकुंठम्मि नेस्सं । तओ सा सच्चं मन्नमाणी तहा काऊणं जया सा समागया तया सुगो उड्डेऊणं रुक्खसाहाए गंतूण वएइ
॥१०॥
HainEducation international
M
For Persona 5 Private Use Only
i ainerbrary.org
