________________
पाइअविन्नाणकहाप
॥९१॥
Jain Education Internation
तो हो । कमेण सो सयलाओ कलाओ पढित्था । पुव्वन्भासाओ सो वेरग्गेण बालत्तणम्मि सम्मदंसणस हियवयाइं गिण्हित्ता दाणी विवेगवंतो य सो जाओ । सुंदरीजीवो निरयाओ निग्गंतूणं भवं भर्मतो वरदत्तगेहम्मि कामुगादासी पुतो हुवी | वंचणसीलो 'दासीपुत्तो' त्ति नामेणं सो पसिद्धिं संपत्तो । पुव्वभवदोसेण सो वरदत्तं सत्तुं पिव पासेइ । पियरम्मि मयम्मि वरदत्तो गिहसामी संजाओ । सो य दासीपुत्तं सोयरं पिव मण्णित्था । दासीपुत्त वरदत्त - चित्तरंजन भावं विणा धम्मं विइ । तं धम्मिट्ठे वियाणिऊण वरदत्तो साहेइ — मम एसो भाया, लोगे वि भायरत्तणेण सो पसिद्धिं उवागओ । सो य कमेण दासीपुत्तो वरदत्तं हंतूणं गिहसामी ठाउं महेइ । मायाइ सो नियं भत्तं जाणावेइ । एगया सो सयणावसरे विसलित्ताई नागवल्लीदलाई वरदत्तस्स अपित्था । वरदत्तो उ 'मए चउव्विहारपच्चक्खाणं कर्य' ति सुमरिऊणं ऊसीसगम्मि मोत्तूणं सुविओ । पभायम्मि वरदत्तो नमुक्कारगुणणपरो उट्ठाय देवहरम्मि देवे वंदिउं गच्छित्था । इओ वरदत्तभज्जाए हत्थम्मि पत्ताई ताई ताहे भायणम्मि मुत्ताई, ताई दासीपुत्तो घेत्तणं भुंजित्था । विसविगारेण मुच्छिओ भूमीए पडिओ । वरदत्तेण बहुणो उवयारा कया वि सो कमेण नियदोसे ि मच्चुं पत्तो । । सो य वरदत्तो भाउणो मरणम्मि तव्वियोगदुहिओ न सुहं सुवेइ भुंजेइ य । लोगेहिं बहुसो उवदिट्ठो कमेण सोगविरहिओ उप्पन्नवेरग्गो सो वरदत्तो पव्वज्जं घेत्तूणं विणमिरो उग्गतवपरो संपत्तमणपज्जवनाणो 'महोदयमुणित्ति नामं धरंतो भव्वबोहण इहं समागओ । सोय दासीपुत्तो एसा समलिगा मम पुव्वभवपत्ती वियाणियव्वा । अओ इमीए दंसणाओ मम हासं आगयं । तझ्या सा समलिंगा पुग्वभवे सुमरिऊणं तरूओ उत्तरिऊणं गुरुपाए पडि
For Personal & Private Use Only
वरदत्तस्स कहा- ८५
॥९१॥
www.jainelibrary.org
