________________
श्रीरूपसेन
चरित्रं
श्रीरूपसेन
चरित्रं
28282828282828282828282
तत उत्थाय नृपपार्श्वे गत्वा तस्य योगिन: सर्वं स्वरूपं कथयामास । पुनरपि तेन राज्ञे कथितं हे स्वामिन्नसौ योगी महाविद्वान् दानेश्वरी कलावांश्च दृश्यते, तस्य तु बहुमानदानमेव युक्तं, एते पूर्वं स्थापिताश्च योगिनोऽथ द्रुतं मोच्याः । इति श्रुत्वा राज्ञा मोचितास्ते सर्वेऽपि योगिनस्तस्याशीर्वाद दत्त्वा वने गताः, ततो राज्ञा योगीन्द्रमाकारयितुं स्वांगरक्षकास्तत्र प्रेषिताः, तानागच्छतो दृष्ट्वा योगिनोक्तं चेयूयं मत्समीपमागमिष्यथ तर्हि सर्वानपि भवतोऽहं भस्मसात्करिष्यामि, ततस्तैीतैर्दूरस्थैरेव स योगीन्द्र आकारितः, तदा योगीन्द्रेणोक्तं यदि नृपस्य कार्यं भविष्यति तदा स स्वयमेव यानं लात्वात्रागमिष्यति, ततस्तैः पश्चादलिता नृपाग्रे समागत्य योगिप्रोक्तो वृत्तान्त: कथितः, तदा सपरिवारो राजापि यानयुतस्तत्र समागतः,
मन: स्थिरं यस्य विनावलम्बनं, दृष्टिः स्थिरा यस्य विनैव दर्शनम् ।
वपुः स्थिरं यस्य विना प्रयत्नं, स एव योगी स गुरुश्च सेव्यः ॥१६७॥ इत्युक्त्वा स योगिने प्रणाममकरोत्, बहुविधं सन्मानं च दत्तवान्, यत:विद्वत्त्वं च नृपत्वं च, नैव तुल्यं कदाचन । स्वदेशे पूज्यते राजा, विद्वान् सर्वत्र पूज्यते ॥१६॥
28282828282828282828282
Jnin Educa
For Personal & Private Use Only
Tww.jainelibrary.org
