________________
सिरिचंदरायचरिण
॥४३॥
Jain Education International
देहमाण - वणजुत्ताउ दस पडिमाओ रेहइरे । इह गिरिम्मि समागच्च लंका हिवई दसमुहो पहुज्झाणनिरओ तित्थयरनामकम्मं उवज्जिणिस्सइ । एयं गिरिवरं परिओ वलयागारत्तणेण वहंती 'सम्गावगा छज्जेइ, तओ अग्गे जंती सा वीरमई दुरओ संमेयसिहर गिरिरायं उद्दिसित्ता साहेइ - पियवहु ! इमं 'तू अईव पवित्तयमं वट्ट, तम्हा एवं तित्थं अभिवंदिज्जे | पढम - दुवालसइम - बावीसइम - चउवीसइम - तित्थयरे मोत्तूणं अण्णे वीसजिणंदा एत्थच्चिय गिरिवरम्मि मोक्खगामिणो, तेसु सत्तरस तित्थयरा अज्जजाव सिद्धिपयं पत्ता, अवसेसा वीसइम एक्कवीसइमतेवीसम - तित्थयरा मुत्तिं पाविस्संति । किलिकम्मक्खयकारगं इमं पहाणं तित्थं अस्थि ।
अह पुरओ गच्छंती वीरमई पुणो तं वयासी - एसो वैभारगिरी इणमो य अब्बुयायलो वंदणिज्जो अस्थि, हे भद्दे ! एस य मणवंछियफलपदायगो सिद्धायलो महागिरी सुरासुरमाणवेहिं अभिवंदणिज्जो सयलतित्थेसु सिरोमणी वट्टे, इमस्स. गिरिरायस्स दंसणमेत्तेण भवियाणं पावकम्माई पणासंति एयस्सि सिद्धगिरिम्मि उस जिणी - सरो नवनउइपुब्वखुत्तो समोसरित्था, अवरे य अनंतमुणिवरा सिद्धिगई गया, अणता य मुणिणो केवलणाणं इह संपावित्था | इमस्स तित्थस्स बहुसो उद्धारा जाया । तत्थ पढमुद्धारकारगो भरहचक्की, बीओ दंडवीरियनरिंदो तइओ ईसाणिदो, चउत्थो माहिंदो पंचमो वहिंदो, छट्ठो भुवणवइंदो, सत्तमो सगरचक्की, अट्टमो वंतरिंदो, नवमो चंदजसो, दसमो य चक्काउहो ति महोद्धारकारगा दस संजाया । एवं अग्गे वि रामचंदाइणो उद्धारकारगा भविस्संति, अस्स गिरिवरस्स दंसणेण नियजम्मो सहलो होइ, तम्हा सुभगे ! इमं तित्थं भवजलहिम्मि निमज्जे१ स्वर्गापगा गंगा २ तीर्थम् । ३ अर्बुदाचलः ।
For Personal & Private Use Only
पढमो उद्देसो
॥४३॥
www.jainelibrary.org
