________________
सिरिचंदरायारिए।
॥२५८॥
Jain Education Inters
दसमगुणद्वाणम्मि सव्वहा विणिज्जिअमोहरायपवलसेणो बीअरागो समाणो अवसिहाई घणघाइकम्माई विणासिउं सज्जीहूओ । इह इक्कारसे चिक्कणगे गुणद्वाणम्मि गया पाणिणो निवडंति चेव, तओ सो अपडिवडिव - ढमाणविसुद्धपरिणामेण तग्गुणद्वाणं अफरिसंतो दुवालसं खिणमोहनामगं गुणट्टाणगं संपप्प तिष्णि सेस -घाइकमाई सव्वा खविऊण तेरसगुणद्वाणगं पाविऊण सासय सुहनियाणं लोगालोगपयासगं केवलनाणं केवलदंसणं च लहेइ, तइआ अप्पणी नाणाइगुणावरोहगा कज्जरुवा जे कम्मपुग्गला ते कारणभावं पावित्था, अहवा ते अप्पपरसेहिंतो पिहन्भूआ अकम्मभावं संपत्ता । तत्तो समासाइयाऽहक्खायचारित्तो सो केवलनाणदिवागरोदए जाए लोगालोग भावपयासगरो संजाओ । वृत्तं च-
नाणं मोहमहंधयारलहरी-संहारसूरुग्गमो, नाणं दिट्ठ - अदिट्ठ - इदुधडणा-संकष्पकप्पहुमो ।
नाणं दुज्जयकम्म कुंजरघडा - पंचत्तपंचाणणो, नाणं जीव- अजीव - वत्थु - विसर - स्सालोयणे लोयणं ॥ १६५॥ सोच्चा जाणइ कल्लाणं, सोच्चा जाणइ पावगं । उभयं पि जाणइ सोच्चा, जं सेयं तं समायरे ॥ १६६ ॥ तं नाणमेव न हवइ, जम्मि य उदिए विभाइ रागगणो । तमस्स कुओऽत्थि सत्ती, दिणयर किरणग्गओ ठाउं ॥ १६७॥
तओ सो सयलजीवाणं गमणागमणाइणो सव्वभावे कराऽऽमलगव्व पेक्खित्था, समत्तजीवाजीवगयसयलभावेसुं सव्वहा भंतिविरहिओ जाओ । तयाणि समीववट्टिणो सम्मद्दिद्विदेवा घाइकम्मक्खय-संपत्त केवलनाणं तं सव्वण्णुं वियाणिऊण तस्स केवलनाणमहसर्व विहेइरे, पमुइएहिं च देवगणेहिं अपुव्वसुवण्णकमलरयणा विहिआ, तहिं च उवविसिऊण चंदकेवलिणा मोहतिमिरहरणी धम्मदेसणा दिज्जइ - इह खलु अणाइ जीवे, अणाई
१. अप्रतिपतद् । २. पृथग्भूताः ।
For Personal & Private Use Only
चउत्थो उसो
॥२५८॥
www.jainelibrary.org
