________________
सिरिचंदरायचरिए
॥ १९५॥
Jain Education International
जग ! लोयम्मि बहवो सरिसा सरिसा दीसंति, तहवि तुव जामायरेण सरिच्छो मणूसो अण्णहिं न पासिज्जिहि, । जुगाड़नाहकिवाए संसंककलाओ वि अहं निम्मलयमा निम्मविआ, सिद्धगिरिराय सेवाए अम्हाणं दुहं सव्वे मणोरहा सिद्धा । एवं नियनंदणावयणं निसमिऊणं अच्चतहरिसनिन्भरहियओ वियसियनयणो गोरो विव चंदरायं विलोएइ, सासू वि जामायरं मुत्ताहलेहिं वद्धावे | चंदरायस्स सामंता वितं पणमंता वरे - 'सामि ! पक्खिरूवेण तुमए अम्हाणं किल परिक्खा विहिआ, सूरिअकुंडमाहप्पेण दिव्वरुवं तए लद्धं, अज्ज जाव तुम्ह सेवा अम्हाणं सहलीभूआ ' । नडसमुदाओ य विणयंचियदेहो चदरायं नमंसिऊण तस्स जसगुणगाणं काउं विलग्गो । एवं दसदिसासुं विमलायलतित्थप्पहावो पसरित्था । अह मंगलतुरियनिणायपुव्वयं चंदराय-मयरज्झयनरिंदा सोहम्मेसाणदेविंदा विव उसहप्पहुगुणथुईओ गायंता हिययम्मि तित्थ - माहप्पं सुमरंता कमेण तलहट्टिगाए समागच्छत्था । तओ समहनयर पवेसणाय मयरज्झयनरवई वरघोडयं सज्जे, गयरयणं समारूढो सिरंसि धरियाऽऽयवत्तो दुपासेसु वीइज्जमाणचामरो चंदराओ पुरओ चलिओ, मयरज्झओ विहत्थिपवरं समारोहिऊण तं अणुगच्छेइ, तओ पेमलालच्छी वि रहवरं समारूढा अवरे पहाणपरजणा य नियनियसमुइयवाहणारूढा निग्गच्छिरे, अणेगविहाई 'बाइआई पुरओ वाइरे, । तओ संनद्धा य सुहडगणा वच्चेइरे, तर्हि च वंदिणो थुईओ भणेइरे ।
मग्गणाणं धणं भूरिं, पदेइरे निओगिणो । नडा कुवंति नच्चाई, गायंति वारसुंदरी ||४८ ||
१. वाद्यानि ।
For Personal & Private Use Only
चउत्थो उद्देसो
।।१९५॥
www.jainelibrary.org
